قازاقستاندىقتاردىڭ مۇددەسىن قورعاعان «Sezimtal» قوعامدىق قورىنىڭ ۇيلەستىرۋشىسى سۇڭقار نۇرماعامبەتوۆ ءار وتباسىنىڭ جەكە شوتىنا 100 مىڭ دوللار كولەمىندە اقشالاي قاراجات اۋدارىلعانىن ءمالىم ەتتى.

«Sezimtal» قوعامدىق قورى بەيجىڭدەگى ليمين سەرەبالدى سال اۋرۋى كلينيكاسىنىڭ (قحر) 100 000 اقش دوللارى كولەمىندە 13 قازاقستاندىق وتباسى مەن ولاردىڭ سال اۋرۋىمەن اۋىراتىن بالالارىنا تيەسىلى بارلىق وتەماقىنى اۋدارعانىن قۋانىشپەن حابارلايدى. اتا-انالار ق ر اۋماعىنان نەمەسە شەت مەملەكەتتەردەن بالالارىنىڭ قاجەتتىلىگىنە ساي مەديسينالىق مەكەمە تابا الاتىنىنا سەنىمدىمىز».

«شەتەلدىك مەديسينالىق مەكەمەلەرمەن بايلانىس ورناتۋدا ق ر ازاماتتارىنا الدانىپ قالۋدىڭ مۇمكىن ەكەنىن جانە دەنساۋلىققا وراسان زاقىم كەلتىرۋ ءقاۋپىنىڭ جوعارى ەكەنىن ەسكەرتىم كەلەدى».

ادۆوكات ق ر ءسىم قولداۋىمەن جانە كونسۋلدىق قىزمەت جەتەكشىسى بولات سىرلىبايەۆتىڭ سوت پروسەسىنە قاتىسۋىمەن زارداپ شەككەن 13 وتباسىنا «Sezimtal» قوعامدىق قورىنىڭ قۇقىقتىق كومەك كورسەتكەنىن ەسكە سالدى. بالالاردىڭ اتا-انالارى قولداۋ بىلدىرگەن بارلىق ازاماتتارعا العىسىن ءبىلدىردى.

ەستەرىڭىزدە بولسا، 2015 جىلدىڭ سوڭىندا 13 وتباسى قيىندىققا ۇشىراعانىن حابارلاعان ەدى. ولار بەيجىڭگە ەم قابىلداۋعا بارعان. ەم قابىلداپ بىتكەن سوڭ، بالالارعا تەك «ديسپورت» (بوتوكس ەگۋ) پروسەدۋراسىن عانا جۇرگىزگەنى انىقتالدى. ديسپورت بۇلشىقەتتەردىڭ ءتۇيىلۋىن ۋاقىتشا توقتاتادى جانە بۇل ەم قازاقستاندا سال اۋرۋىمەن اۋىراتىن بالالاردى وڭالتۋ باعدارلاماسى بويىنشا تەگىن جۇرگىزىلەدى. قاراشا ايىندا اتا-انالار مەن كلينيكا وكىلدەرى گۋانچجوۋ قالاسىندا كەزدەستى، دارىگەرلەر بوتوكس ەككەن بالالاردىڭ اتا-اناسىنا وتەماقى تولەۋگە ۋادە بەردى.

دەرەك كوزى: inform.kz