ايگىلى «لامبادا» ءانىن قازاق تىلىنە اۋدارىپ، ايتىپ جۇرگەن قايرات نۇرتاس قازاق ەلىن تاعى دا بيلەتىپ جىبەردى، دەپ حابارلايدى stan.kz. جانكۇيەرلەرى تانىمال حيتمەننىڭ برازيليالىق Kaoma توبىنان اسىپ تۇسكەنىن العا تارتتى.

«بيلە لامبادا، بويجەتكەن، بوزبالا،

وزگەرگەن قازاقشا ءسوز عانا»، – دەپ ءان سالعان قايرات نۇرتاس لامبادا ءبيىن شەبەر مەڭگەرىپ العان. ءان ماتىنىندە ول تۋىندىنى مۇلدەم وزگەرتپەگەنىن ايتادى. الايدا ەكسپرەسس-ك باسىلىمىنىڭ جازۋىنشا، ءتۇپنۇسقا ماتىنىندە تراگەديالىق حيكايا كەزدەسەدى. وندا:

«جانىمدى اۋىرتقان ادام جىلاسىن،

تاسادا جالعىز ءوزى قينالسىن.

ەكەۋمىزدىڭ جۇزدەسۋىمىزدىڭ لاۋلاعىن وتىن،

ساقتاي الماعان ماحابباتتى ەسكە السىن»، – دەپ ايتىلادى.

ايتا كەتەيىك، لامبادا – امازونيانى مەكەندەيتىن ۇندىستەردىڭ كاريمبو تايپاسىنىڭ سالتتىق ءبيى. ايگىلى Kaoma توبنىڭ ءوزى اتالعان ءاندى 1989 جىلى بوليۆيالىق مۋزىكانتتاردان «ۇرلاپ» العان.