قازاقستاندا 2017 جىلدىڭ 1 قاڭتارىندا  «ەكسترەميزم مەن تەرروريزمگە  قارسى ق ر كەيبىر زاڭىنا تولىقتىرۋلار مەن وزگەرتۋلەر ەنگىزىلدى» دەپ حابارلايدى zakon.kz.

ونىڭ ىشىندە عالامتوردى بۇعاتتاۋ تۋرالى زاڭ دا بار. سەبەبى عالامتورداعى پىكىرلەر اۋىر جانە اسا اۋىر قىلمىسقا الىپ كەلۋى مۇمكىن. قىلمىستىق توپتىڭ دايىنداعان جانە ىسكە اسىرىپ جاتقان  قىلمىسى جاعدايىندا ق ر ۇلتتىق قاۋىپسىزدىك كوميتەتىنىڭ ءتوراعاسى، ونىڭ ورىنباسارلارى جانە ۇقك ايماقتىق ورگاندار باسشىلارى نەمەسە ولاردىڭ ورىنباسارلارى الەۋمەتتىك جەلى، بايلانىس قۇرالدارى، بايلانىس ورناتۋ قىزمەتىن، عالامتورعا قولجەتىمدىلىكتى توقتاتۋعا نەمەسە جەدەل-ىزدەستىرۋ جۇمىستارى ءۇشىن ولار تۋرالى اقپاراتتى ىلۋگە بايلانىس جانە ق ر باس پروكۋراتۋراسىنا حابار بەرۋ ارقىلى 24 ساعاتتىڭ ىشىندە جۇزەگە اسىرا الادى.

زاڭگەر دجوحار ۋتەبەكوۆ ءوزىنىڭ Facebook پاراقشاسىندا بۇعاتتاۋ ءۇشىن كورسەتىلگەن سەبەپتەر ناقتىلانباعانىن جازعان.

«ۇقك قىزمەتكەرلەرى بايلانىس تەلەفونىن، مەسسەندجەرلەرى (ۋاتساپ جانە ت.ب)، سايتتاردى، جالپى بارلىق عالامتور مەن بايلانىستى بۇعاتتاي الادى. بۇنى ۇقك پوليسيا، ۇلتتىق بيۋرو، «سىربارا»، مكق نەمەسە اسكەري بارلاۋدىڭ وتىنىشىمەن دە جاساي الادى» دەپ جازدى زاڭگەر.

مەملەكەتتىك پروكۋراتۋرادا الەۋمەتتىك جەلىنى سوت شەشىمىنسىز ءوشىرۋ قۇقىعى 2014 جىلدىڭ كوكتەمىندە پايدا بولعانىن ايتادى.  

«ەڭ قىزىعى، پروكۋرورلارمەن سالىستىرعاندا ۇقك وكىلدەرى بايلانىس قىزمەتكەرلەرىنىڭ كومەگىنسىز الەۋمەتتىك جەلىنى بۇعاتتاي الادى. جاڭا زاڭ بويىنشا ارنايى قىزمەتتە وزبەتىنشە وشىرە الاتىن تەحنيكالىق  مۇمكىندىك بار» دەپ تولىقتىردى دجوحار ۋتەبەكوۆ.