نەگە وسى گرۋزيندەر گرۋزين اكسەنتىمەن ماقتانادى؟ ويتكەنى ولار توعىز جاسقا دەيىن بالالارىن گرۋزينشە وقىتادى. وسىنىڭ ارقاسىندا ءقازىر گرۋزيادا ەكىنىڭ ءبىرى اعىلشىنشا بىلەدى. «ورىس الەمىنىڭ» ەزگىسىنەن دە ءبىرىنشى بولىپ سولار شىقتى. جاپوندار نەگە مىقتى؟ جاپوندار باستاۋىش سىنىپتا بالالارىنا ەشبىر ءتىلدى ارالاستىرماي تازا جاپونشا ءبىلىم بەرەدى ەكەن. فۋندامەنتىن قالىپتاستىرىپ الادى! ال بىزدە كەرىسىنشە ورىسشا اكسەنتسىز سويلەگەنىنە ماقتانادى. بۇل ماقتانىش ەمەس، تراگەديا! ولار ءتىلدىڭ يممۋنيتەتىنە سۋيسيد جاساپ، ونى ءوز قولىمەن ءولتىرىپ تاستاعان. ماڭگۇرتتەردىڭ قازاقشا ماس ادامداي سويلەيتىنى سودان. سەن ورىسشا سويلەيتىن مازاقتىڭ (قازاق ەمەس) قازاقشا ءبىر ءسوزدى ءتىلىن بۇراماي (بۇزباي) ايتقانىن كوردىڭ بە؟ جوق! سەبەبى ولار ەندى قايتىپ قازاقتانا الايتىنداي بولىپ ورىستانىپ كەتكەن. ورىسشا ايتقاندا، وبرەچەننىە! بۇكىل الەمدە ەڭ الدىمەن انا ءتىلىن وقىتادى. انا ءتىلىن بىلمەگەن ادامدى مادەنيەتسىز سانايدى. بىزدەگىدەي باستاۋىشتا بىرنەشە ءتىلدى تىقپالاپ، ءبۇلدىرشىننىڭ ميىن اشىتىپ جاتقان ەشكىم جوق. بىزدەگىلەر بالانىڭ ەمەس، بولاشاقتىڭ ميىن اشىتىپ (ءدۇبارالاي ءتۇسىپ) جاتىر. سوندىقتان باستاۋىش كلاستا تەك قانا قازاق تىلىندە ءبىلىم بەرۋ كەرەك. فۋندامەنتى دۇرىس بولماسا ءۇي دە قۇلاپ قالادى عوي. ال وقۋشىنىڭ فاندامەنتىن دۇرىس قالىپتاستىرماساق، ەرتەڭ تاعى وسىلاي بارماق تىستەپ قالامىز...
جولىمبەت ماكىشتىڭ فەيسبۋك پاراقشاسىنداعى جازباسىنان
پىكىر قالدىرۋ