ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا بولاشاقتا قاي ماماندىقتاردىڭ جويىلۋى مۇمكىن ەكەنىن ايتتى. بۇل جايىندا Tengrinews جاڭالىقتار قىزمەتى حابارلايدى.

مينيسترگە ۇكىمەتتەگى باسپا ءسوز كونفەرەنسياسىندا جاڭعىرتۋ باعدارلاماسىنا بايلانىستى قاي ماماندىقتاردىڭ الىنىپ تاستالاتىنى جانە قاي ماماندىقتاردىڭ قاجەتتىلىگى ارتاتىنى جايلى سۇراقتار قويىلدى.

تامارا دۇيسەنوۆانىڭ ايتۋىنشا، بولاشاقتا كومىر ونەركاسىبى سالاسى الىپ تاستالۋى مۇمكىن.

“ءقازىر قاراپ وتىرساق، بىزدە پاروۆوز وندىرىسىمەن ەشكىم اينالىسپايدى. مۇنداي سالا دا جوق. سونداي-اق، حاتشى-ماشينيست ماماندىعى جوق. بۇرىن ولار ماشينالاردا باسىپ شىعارۋ ىسىمەن اينالىساتىن. ال بۇگىن ءبىزدىڭ كۇندەلىكتى ومىرىمىزدە كومپيۋتەردىڭ ءرولىنىڭ ارتقانى سونشالىق – كومىر ونەركاسىبى سالاسىنداعى مامانداردى دايىندامايدى. بۇگىندە بىزگە قاي سالالار كەرەك؟ ءبىز ۇلكەن جۇمىس توبىن قۇردىق. كومىر ونەركاسىبىن الىپ تاستاۋىمىز مۇمكىن. ءيا، ءقازىر ەۋروپادا كومىر وندىرىسىمەن اينالىساتىن شاحتالار كوپ. مەن وسى ماسەلە بۇگىن نەمەسە ەرتەڭ شەشىلەدى دەپ ايتا المايمىن. بۇل ماسەلە 20 جىلداي قارالۋى مۇمكىن. سوندىقتان ءبىز بۇگىن كومىر ونەركاسىبى سالاسىنداعى بارلىق ماماندىق بويىنشا جۇمىس ىستەۋىمىز كەرەك”، – دەدى مينيستر.

تامارا دۇيسەنوۆانىڭ ايتۋىنشا، جاڭا تەحنولوگيالار جۇمىس كۇشىنىڭ ورنىن باسىپ جاتىر.

“ول جەردە بۇرىن 10 ادام جۇمىس ىستەۋ كەرەك بولسا، ءقازىر وندا تەك ءبىر ادام جۇمىس ىستەپ جاتىر. سەبەبى، بارلىق جۇمىس كومپيۋتەر ارقىلى ىستەلىپ جاتىر. وسىعان بايلانىستى ەكى باعىتتا جۇمىس توبى قۇرىلدى. سونداي-اق، تاۋ كەندى يگەرۋ ونەركاسىبىنە جاڭا تەحنولوگيالاردى ەنگىزۋ ماسەلەلەرى دە قاراستىرىلىپ جاتىر”، – دەدى تامارا دۇيسەنوۆا.