«قازاقستان وزگە ەلدەرگە گۋمانيتارلى كومەك كورسەتۋ ءۇشىن بۇۇ قاۋىپسىزدىك كەڭەسىندەگى تۇراقتى ەمەس مۇشەسى رەتىندە ستراتەگيا جاساۋى قاجەت».

مۇنداي پىكىردى حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ماۋلەن اشىمبايەۆ ءبىلدىردى دەپ حابارلايدى "قامشى" ratel.kz-كە سىلتەمە جاساپ.

«ءالى كۇنگە دەيىن ۇكىمەت رەسمي تۇردە كومەك كورسەتۋ بويىنشا ارنايى اگەنتتىك قۇرمادى. سوڭعى جىلدارى قازاقستان كورشى ەلدەر مەن اۋعانستانعا ازىق-تۇلىك، قاجەتتى زاتتار مەن مەكتەپتەر، اۋرۋحانالار سالىپ، جاستاردى قازاقستاندا وقىتۋ ارقىلى كومەك كورسەتۋدە. سوڭعى جىلدارى قازاقستاننىڭ اتالمىش كومەك كورسەتۋگە 350 ميلليون اقش دوللار ءبولدى. بۇل وتە ۇلكەن سومما» دەدى اشىمبايەۆ.

ورتالىق ازيا ەلدەرىمەن مۇنداي قارىم-قاتىناس سىرتقى ساياساتقا وڭ اسەرىن بەرۋى مۇمكىن ەكەنىن دە اتاپ ءوتتى.

«قازاقستاندىقتاردا، ونىڭ ىشىندە ارىپتەستەرىم دەپۋتاتتاردىڭ دا اراسىندا وزگە ەلدەرگە كومەك كورسەتۋدىڭ قاجەتى جوق دەگەن پىكىردەگى ادامدار بار ەكەنىن بىلەمىن. الايدا بۇل قايىرىمدىلىق ەمەس. بۇل سىرتقى ساياساتقا وڭ اسەرىن بەرەتىن، بولاشاقتا قايتارىمى بولاتىن كومەك. ەشقانداي مەملەكەت كورشى ەلدەردە ماسەلە شاش ەتەكتەن بولعان جاعدايدا، گۇلدەنە المايدى.  اينالادا قوردالاناعان ماسەلە اينالاسىنا ونىڭ ىشىندە قازاقستانعا كەرى اسەرىن بەرەدى» دەدى اشىمبايەۆ.

ءقازىر قازاقستان اۋعانستانمەن ارىپستەستىك قارىم-قاتىناس ورناتۋ جوباسىمەن اينالىسپ جاتقانىن دا اتاپ ءوتتى.