ق ر ءبىلىم جانە عىلىم ءمينيسترى ەرلان ساعادييەۆ ۇكىمەتتە تىلشىلەرگە بەرگەن سۇxباتىندا ۇبت-داعى قازاق تىلىنە قاتىستى وزگەرىستەردى ءتۇسىندىرىپ بەردى، دەپ xابارلايدى Qamshy.kz.

«بيىل قازاق ءتىلىن مەكتەپ تۇلەكتەرىنىڭ 100 پايىزى تاپسىرادى  12 جىل بويى ورىس مەكتەپتەرىنىڭ تۇلەكتەرى قازاق ءتىلىن ۇبت اياسىندا تاپسىرىپ كەلگەن بولسا دا، ونىڭ ناتيجەلەرى ەسەپكە الىنباعان. ءتىل ءبىلىمىن باعالاۋ ناتيجەلەرى گرانتتى الۋعا ىقپال ەتپەگەن. سونىمەن قاتار، مەكتەپ تۇلەكتەرىنىڭ ءبىر بولىگى قازاق ءتىلىن تەست نەگىزىندە ەمەس، مەكتەپتە ازىرلەنگەن بيلەتتەر بويىنشا تاپسىرعان. ۇبت ەكى كەزەڭگە ءبولىنۋى سەبەپتى، سونداي-اق، بيىلعى مەكتەپ تۇلەكتەرىنىڭ 100 پايىزى قازاق ءتىلىن تاپسىرۋى ماقساتى قويىلىپ وتىرعاندىقتان، اتتەستاتتى الۋ ءۇشىن ءاربىر تۇلەك ەكزامەن تاپسىرىپ، ءتىل ءبىلىمىن تەستىلەۋ قورىتىندىلارى بويىنشا سايكەس باعاسىن الۋى ءتيىس»، - دەدى مينيستر.

سونىمەن قاتار ەرلان ساعادييەۆ جوعارى وقۋ ورنىنا تۇسەتىن تۇلەكتەر قازاق تىلىنەن سىناقتى قاشان تاپسىراتىنىن دا اتاپ ءوتتى.

«جوعارى وقۋ ورنىنا بارعان كەزدە قازاق تىلىندە مەكتەپ بىتىرگەن بالالار ۇبت-نى قازاق تىلىندە الىپ وتىر عوي. بيىل ولاردىڭ ۇلەسى - 80-85%. 15 پايىزى ءبىرىڭعاي تەست رەتىندە قازاق ءتىلىن تاپسىراتىن بولادى»، - دەپ ءتۇيدى ءسوزىن ۆەدومستۆو باسشىسى.