10 جاستاعى بالانى قاعىپ كەتكەن ەكى پوليسەي ءبىرى جۇمىستان بوساتىلدى، ەكىنشىسى قىزمەتىنەن كەتتى دەپ حابارلايدى qamshy.kz الماتى قالاسىنىڭ ءىىد باسپا ءسوز قىزمەتىنە سىلتەمە جاساپ.
پوليسيا لەيتەنانتى ن.تۇمابايەۆ قىزمەتتىك كولىكتى ايداپ كەلە جاتىپ، بالانى قاققان. ءتارتىپتى ساقتاۋ كوميسسياسىنىڭ شەشىمىمەن ن.تۇمابايەۆ جۇمىستان شىعارىلدى. ال ونىڭ سەرىكتەسى الماتى قالاسىنىڭ ينسپەكتورى لاۋازىمىنان بوساتىلدى.
جول كولىك وقيعاسىنا قاتىستى تەكسەرۋ جۇمىستارى جۇرگىزىلىپ جاتىر. بالانى قاعىپ كەتكەن جۇرگىزۋشى زاڭعا سايكەس جاۋاپكەرشىلىككە تارتىلادى.
ەستەرىڭىزگە سالا كەتەيىك، كەشە ەكى پوليسەي جول ەرەجەسىن بۇزعان جۇرگىزۋشىنى قۋىپ كەلە جاتىپ 10 جاستاعى بالانى قاعىپ كەتكەن. بالا اۋرۋحاناعا جەتكىزىلىپ، وعان وپەراسيا جاسالدى.
پىكىر قالدىرۋ