تالاي كولىكتىڭ توعىسىنۋىنا سەبەپ بولعان، ۇزىن جول ءۇنسىز جاتىر. ءبىرىن-بىرى باسىپ وزىپ، توقتاۋسىز ءجۇرىپ جاتقان كولىكتەر. تىنىمسىز تىرشىلىك دەپ جازادى qamshy.kz.
بۇگىن جەكسەنبى. قىستىڭ ايازى بەتىڭدى قاريدى. تاڭمەن تالاسا تۇرىپ، كۇندەلىكتى جۇمىسىنا بۇل جاندا اسىقتى. كولىگىن وتالدىردى. ترۋبادان قىشقىل ءيىستى ءتۇتىن بۇرق ەتتى. جەتى كۇن بويى دەمالىسسىز جۇمىس جاسايدى. بۇل جۇمىستى قولعا الىپ، ىستىعىنا كونىپ، سۋىعىنا توڭعانىنا بيىل، مىنە، جەتى جىل بولدى. ءبىر بويىندا بىرنەشە ماماندىعى بولسا دا وسى سالانى جانىنا جاقىن كوردى.
جەكسەنبىنى جالاۋ ەتىپ، مەندە قالاعا شىعۋدى ءجون كوردىم. قۇربىلارىم ايتقان سوڭ، بارلىعىمىز بىرگە تەاترعا باردىق. تەاتردان قايتقان ۋاقىتتا قاراڭعى ءتۇسىپ كەتكەن بولاتىن. تاكسي ۇستاماسقا بولمادى. اقىرىنداپ جول جيەگىنە شىعىپ، قولىمىزدى سەرمەپ، تاكسي توقتاتاتا باستادىق. اعىلعان كولىك اراسىنان ءبىر ماشينا توقتادى. ەشقارسىلىقسىز كەلىسىپ، ماشيناعا وتىرىپ الدىق.
«سىرت كوز - سىنشى»،- دەگەندەي كولىككە وتىرىسىمەن اينالاما قاراپ، دەتال ىزدەي باستادىم. مىنە، كەرەمەت سەنەسىز بە؟ كولىكتىڭ ايناسىندا فوتو ءىلىنىپ تۇر. اعايدىڭ ءوزى جانە ءۇش بالا تۇر. ول – بالالار اعايدىڭ جانۇياسى ما ەكەن دەپ ويلادىم. ءبىراق ءۇنسىزبىن.
سونداي-اق، ماشينا ءىشى وتە جيناقى، تازا، ورىندىقتار ۇيلەسىمدى قاپتالعان ەكەن. تورەعاليدىڭ «ءومىر» اتتى ولەڭى دە باياۋ عانا قوسىلىپ تۇر. كولىك جۇرگىزۋشى ەگدە تارتقان ورتا جاستاعى ەر ادام. ءرولدى ۇستاعان قولدارى قارا جۇمىستىڭ دا ءدامىن سەزگەن دە سەكىلدى. «قىزدارىم» دەپ جاقىن تارتقان جىلى ءسوزى دە بۇل ادامنىڭ سابىرلىعى مەن قامقورلىعىن سەزدىرگەندەي بولدى.
مەن اقىرىن عانا اعايدان فوتوداعى ادامدار جايلى سۇراي باستادىم. سويلەسۋ كەزىندە اعايدان بىلگەنىم: نەگىزىنەن اعاي اجىراسقان. بۇگىندە ءوزى جالعىز تۇرادى. اجىراسقانىنا 4 جىلعا جۋىق ۋاقىت بولعان. بالالارى اناسىمەن بىرگە ەكەن. بۇل – سۋرەت جانۇياسىمەن بىرگە بولعان كەزدە تۇسكەن سۋرەت ەكەن. سۋرەتتىڭ وسى جەردە تۇرعانى جانۇيام جانىمدا جۇرگەندەي بولادى دەيدى.
شىنىمدى ايتسام، ءبىرتۇرلى ىڭعايسىز كۇيدە قالدىم. اعايدى دا اياپ كەتتىم.
«جاتاقحاناعا كەلىپ، ماشينادان ءتۇسىپ جاتقانىمدا اعاي ماعان كەرەمەت ءبىر ءسوز ايتتى: بۇل – ءومىر، قىزىم. ەگەر ءومىر تەك قانا اقتان تۇرسا، ءومىر تەك جاقسىلىقتان تۇرسا قىزىقتى بولار ما ەدى. قيىندىق اركىمنىڭ باسىندا بولادى. توزە ءبىلۋ كەرەك. شىدام مەن قاناعات كەرەك. ءبارىمىز ءومىر ءسۇرۋ ءۇشىن ءجۇرمىز دەيمىز. ءبىراق ءومىردىڭ ءمانى نە ەكەنىن بىلمەيمىز؟ اقشا ما؟ اقشا جەتكىزبەيدى. تۇسىنەسىڭ بە، قىزىم، قاناعات كەرەك. مەن دە مىسالى اقشا تابۋ ءۇشىن ءجۇرمىن. دەگەنمەن اقشا ساعان يماندىلىق پەن شۇكىرشىلىك بەرمەيدى. تەك ءوزىڭدى ماتەريالدىق جاعىنان قامتاماسىز ەتۋ ءۇشىن عانا. ءبىراق اللا تاعالا سۇيگەن قۇلىنا كوتەرە المايتىن سىناق بەرمەيتىنىن ەسكەرگەنىڭ ابزال».
وسى ءسوزدى بەتىمە قاراپ تۇرىپ، اعالىق قامقورلىقپەن ايقىنداپ ايتتى. جولاقىسىن دا المادى. قۋانعانىمنان سەكىرىپ جاتاقحاناعا جۇگىرە جونەلدىم.
پىكىر قالدىرۋ