قازاقستاندىق بوكسشى قۋات نايمان البەرت راۋدىڭ ءماجىلىس دەپۋتاتى بولىپ سايلانۋىنا قاتىستى ءوز پىكىرىن ينستاگرام الەۋمەتتىك پاراقشاسىنا جاريالادى دەپ حابارلايدى qamshy.kz.
"تاعى ءبىر دەپۋتات! دەپۋتاتتار قانداي ەڭبەگى ءۇشىن اتالمىش لاۋازىمدى يەلەنەتىنىن تۇسىندىرەتىن ادام بار ما!؟ ولاردى ءبىر كۇندە دەپۋتات قىلاتىنداي نە ىستەدى؟ بارشامىز دەپۋتاتتاردىڭ حالىق ءۇشىن ەشقانداي پايدا اكەلمەيتىنىن جاقسى بىلەمىز. بۇل جاتتىعۋ زالىندا ءبىر رەتتە بولماي، چەمپيون اتانۋمەن پارا-پار! ءبىزدىڭ ەلدە 16 ميلليون حالىق تۇرادى. ونىڭ جارتىسى ماسكەۋ، جارتىسى شانحاي. ءار كەز جاڭا ماسەلەمەن بەتپە-بەت كەلىپ، ونى توپ بولىپ شەشە المايدى. ياعني، بۇل قالالاردىڭ مەرلەرى ءبىزدىڭ بارلىق شەنەۋنىكتەرمەن سالىستىرعاندا ءوز جۇمىستارىن جاقسىراق جانە ناتيجەلىرەك اتقاراتىن بولىپ تۇر عوي! ولار قالانىڭ اتاۋىن وزگەرتۋدى، ەش پايداسى جوق عيماراتتارعا بىرەۋدىڭ ەسىمىن بەرۋدى ويلاماي، حالىققا پايداسىن تيگىزۋدى ماقسات تۇتۋى قاجەت. مەن بەسىنشى جىل قاتارىنان تايلاندتا جاتتىعىپ ءجۇرمىن. وسى ۋاقىت ارالىعىندا وندا نان، جانارماي، ازىق-تۇلىك باعاسى ءبىر تەڭگەگە دە قىمباتتامادى! ال تايلاندتا مۇناي دا، التىن دا جوق.
ءبىزدىڭ ەلدە جىل سايىن جاعداي ناشارلاپ بارادى. قىمباتشىلىق. مىڭداعان تۋىستارىمىز شەتەلگە كوشىپ جاتىر. اركەز كرەسلودا وتىرعان بىرەۋ ميلليونداعان قارجىنى جىمقىرىپ، شەتەلگە قاشىپ جاتىر. وندا مۇنىڭ بارلىعى نە ءۇشىن قاجەت؟
ءبىر توپ پايداسى جوق دەپۋتاتتاردىڭ كىمگە جانە نە ءۇشىن قاجەتى بار؟ نەگە؟ مەن قاراپايىم سپورتشىمىن جانە اتالمىش ماسەلەلەردى كورەمىن، بايقايمىن. ولاردى ساعاتتاپ تىزىمدەۋگە بولادى. ال بۇل ادامدار نەلىكتەن ولاردى كورە الماي وتىر؟ كىشكەنە عانا حالىقتىڭ ءومىرىن قالايشا جاقسارتا الماي وتىر؟
مەن بالا كەزىمنەن ءبىر ادام كوپ نارسەنى وزگەرتە الاتىنىنا سەنەتىنمىن. ازىرشە ونداي ادامدى كورمەدىم. كىمدە-كىم دەپۋتاتتاردان پايدا بار دەسە، وزىمە قول جۇمساۋعا دايىنمىن" دەپ جازدى قۋات نايمان.
پىكىر قالدىرۋ