بالاسى بار ادامدار، بالاسى جوق ادامدارعا  قاراعاندا ۇزاق ءومىر سۇرەدى ەكەن دەپ حابارلايدى «قامشى» پورتالى. بۇل تۋرالى شۆەد عالىمدارى جۇرگىزگەن زەرتتەۋلەردەن بەلگىلى بولىپ وتىر. عالىمدار ءبىر جارىم ميلليون ادام اراسىندا زەرتتەۋ جۇرگىزگەن. 1911-1925  جىلدار ارالىعىندا تۋىلعان، بۇگىنگى كۇنى جاس مولشەرى 60-قا تاقاعان ايەلدەر مەن ەر ادامدار اراسىندا زەرتتەۋ جۇرگىزە كەلە، ولاردىڭ ىشىندە جوق دەگەندە ءبىر بالاسى بارلار، مۇلدەم بالاسى جوقتارعا قاراعاندا ۇزاق ءومىر سۇرگەن.

وسى جىلدارى ءومىر سۇرگەن ادامداردىڭ (بالاسى بار جانە بالاسى جوق) ءومىر ءسۇرۋ كەزەڭىن، ۋاقىتىن، مولشەرىن باقىلاعان. 80-گە تاياعان شاقتا بالاسى بار ەر ادامداردىڭ قانجىعاسىندا ءالى 7 جىل 8 ايى بولعان، ال بالاسىزداردا تەك جەتى جىل بولعاندىعى دالەلدەنگەن. ال ايەل ادامداردا بۇل كورسەتكىشتەر 9 جىل مەن 6 اي، بالاسىز ايەلدەر  8 جىل 11 اي بولعان. ياعني بالاسى بار ادامدار ءومىر سوڭىندا بالاسى جوقتارعا  قاراعاندا 1-2 جىل ارتىق ءومىر سۇرگەن.

زەرتتەۋ ناتيجەلەرىندە ۇزاق ءومىر ءسۇرۋدىڭ سىرى بالالار ەكەندىگى ناقتى دالەلدەنبەسە دە، ەڭ ماڭىزدى قورىتىندى مىناداي بولعان:

قارتايعان اتا-اناعا بالالارىنىڭ تاراپىنان كورسەتىلگەن كومەكتىڭ ارقاسىندا، اتاپ ايتقاندا قارجىلاي كومەك، سونىمەن بىرگە مورالدىك قولداۋ ت.ب كورسەتۋ ناتيجەسىندە  ولار ۇزاق جاساعان. جانە دە بالاسى جوق ادامدار كوبىنە-كوپ زياندى ارەكەتتەرگە سالىنىپ، دەنساۋلىقتارىنا قاراماي كەتەتىنىن ەسكەرسەك، ادامداردىڭ ءومىر ءسۇرۋ ۇزاقتىعى تىكەلەي وزدەرىنە دەگەن قارىم-قاتىناستارىنا بايلانىستى ەكەنىن اتاپ وتكەن ءجون.