الماتى قالالىق ىشكى ىستەر دەپارتامەنتىنىڭ وكىلدەرى اۋەجاي ماڭىندا جالاڭاش سەرۋەندەپ جۇرگەن ەر ادامعا قاتىستى پىكىر ءبىلدىردى، - دەپ حابارلايدى قامشى اقپاراتتىق اگەنتتىگى Tengrinews.kz باسىلىمىنا سىلتەمە جاساپ.

سويتسەك، ول الماتىنىڭ 1976 جىلعى تۇرعىنى ەكەن. 

"بۇل وقيعا كەشە ساعات 19.45-تە بولعان. الماتى قالالىق ءىىد-نىڭ جەدەل ارەكەت ەتۋ ورتالىعىنا تىر جالاڭاش ەر ادامنىڭ الماتى اۋەجايىنىڭ الاڭىندا ادامدارعا ءتيىسىپ جۇرگەنى جايلى حابار كەلىپ ءتۇستى. وقيعا ورنىنا جول-پاترۋلدىك پوليسياسىنىڭ ەكيپاجى جەتتى. ەر ادام الكوگولگە جانە ەسىرتكىگە ماس بولعان سياقتى، ءبىراق ناقتى انىقتاۋ قيىندىق تۋعىزدى. سۇراققا ناقتى جاۋاپ بەرمەدى. قاشۋعا تىرىستى، سوندىقتان ول ۇستالىپ، تۇركسىب اۋداندىق ىىب-گە جەتكىزىلدى"، - دەپ حابارلادى الماتى قالالىق ءىىد رەسمي وكىلى سالتانات ازىربەك. 

"دارىگەرلەر بريگاداسى شاقىرتىلدى. ولار ەر ادامدى تەكسەردى. قازىرگى ۋاقىتتا پسيحونيەۆرولوگيالىق ديسپانسەرگە ەر ادامنىڭ ەسەپتە تۇرعان-تۇرماعانىن انىقتاۋ ءۇشىن سۇرانىس جىبەرىلدى. ول ۇساق بۇزاقىلىق ءۇشىن اكىمشىلىك جاۋاپكەرشىلىككە تارتىلدى. ونىڭ كىم ەكەنى انىقتالدى. ەر ادام بۇرىن سوتتى بولعان. ول ءوزىنىڭ ارەكەتىن تۇسىندىرمەدى"، - دەدى پوليسياداعىلار.  

الماتى اۋەجايىندا جالاڭاش ەر ادامنىڭ ۇستالعانى تۇسىرىلگەن ۆيدەو الەۋمەتتىك جەلىلەردە جاريالانعان بولاتىن. كادرلاردان بىرنەشە پوليسەيدىڭ جالاڭاش ەر ادامدى كولىككە وتىرعىزىپ جاتقانى كورىنەدى.