يراندا بۇگىن پرەزيدەنت سايلاۋى وتەدى. داۋىس بەرۋ جۇيەسى باستالىپ كەتتى. پرەزيدەنتتىككە ۇمىتكەر ءتورت ادام بار. ءبىراق ولاردىڭ ەكەۋى - ءىس باسىنداعى پرەزيدەنت، ساياساتكەر حاسسان روۋحاني مەن كونسەرۆاتور، بۇرىنعى پروكۋرور ەبراحيم رايسي فاۆوريت سانالادى. جۇمىسسىزدىق دەڭگەيى جوعارى يراندا 81 ميلليون حالىق تۇرادى.
الەمدىك دەرجاۆالارمەن تەگەراننىڭ يادرولىق باعدارلاماسىن شەكتەپ، ەسەسىنە يرانعا سالىنعان حالىقارالىق سانكسيالاردى جويۋ تۋرالى كەلىسىم جاساسقان روۋحاني باتىس ەلدەرىمەن ودان ارى ىنتىماقتاسىپ، ازاماتتارعا كەڭىرەك بوستاندىق بەرۋگە ۋادە ەتىپ وتىر، دەپ جازادى ازاتتىق.
68 جاستاعى روۋحاني قارسىلاستارىمەن تاياۋدا وتكىزگەن سايلاۋالدى دەباتىندا "19 مامىردا ازاماتتارىمىز بەيبىتشىلىك جولىمەن ارى قاراي جۇرە بەرەمىز بە، يا ساياسي ەگەس جولىن تاڭدايمىز با دەگەنگە داۋىس بەرەدى" دەپ مالىمدەدى.
56 جاستاعى ەبراحيم رايسي يراننىڭ رۋحاني كوسەمى اياتوللا ءالي حامەنەيدىڭ سەنىمدى وكىلى سانالادى. اياتوللا ءالي حامەنەي - ەلدەگى ۇلكەن ساياسي، اسكەري جانە ءدىني بيلىگى بار ەڭ ىقپالدى ادامداردىڭ ءبىرى.
شولۋشى: گۇلىم جاقان
