دارىندى ادامداردىڭ ومىرىنە دە، ونەرىنە قىزىعۋشىلىق تانىتاتىنىمىز بەلگىلى.  ەگەر ادام تالانتتى، دارىندى بولسا كوپتەگەن جەتىستىككە جەتىەدى. الايدا ادام دارىندى بولسا  باقىت پەن ساتتىلىككە جەتكىزە بەرمەيتىن دە كەزدەر بولادى.  ءومىرى قايعىلى وقيعامەن اياقتالعان كريستينا گريمميدىڭ وقيعاسىن قامشى اقپاراتتىق اگەنتتىگى وقىرمان نازارىنا ۇسىنادى.

كريستينا گريممي كىشكەنتاي كەزىنەن باستاپ مۋزىكاعا قىزىعۋشىلىق تانىتقان. كەيىن ول بولاشاعىنان زور ءۇمىت كۇتتىرەتىن ءانشى ەكەنىن اتا-اناسى بايقاي باستاعان. ول ءوزى ايتقان اندەردى عالامتورعا سالىپ وتىرىپتى. كەيىن كريستينا مۋزىكالىق شوۋ باعدارلامالارعا قاتىسىپ، باعىن سىناپ كورمەكشى بولادى.

سونداي مۋزىكالىق باعدارلامالاردىڭ برىندە كريستينا 3-ورىن الىپ، تانىمالدىلىعى ارتا باستايدى. قازىلار القاسى كريستينانىڭ بولاشاعىنان زور ءۇمىت كۇتكەن بولاتىن. ونىڭ اتاقتى جۇلدىز اتاناتىنىنا ەشكىم كۇمان كەلتىرگەن جوق.

ءبىراق باراز ۋاقىتتان كەيىن ونىڭ ومىرىندە قايعىلى جاعداي ورىن الادى. ول جەكە كوسەرتىن وتكىزىپ جاتقان كەزدە وعان ءوز سەزىمىنە يە بولا الماعان جانكۇيەرلەرىنىڭ ءبىرى وق اتادى. وزگەلەر ەسىن جيناپ بولعانشا الگى جانكۇيەر 3 رەت وق اتقان. ەگەر كريستينانىڭ اعاسى كەلىپ اراشا تۇسپەگەندە ول وق اتۋىن جالعاستىرا بەرەر ەدى. وكىنىشكە وراي اعاسى كريسينانى قۇتقارا المادى.

سوڭىندا ەسىن جيناعان جانكۇيەر ءوزىن-وزى اتىپ ولتىرەدى.  وزىنە جاسالعان قاستاندىقتان كەيىن دە كريستينا ءتىرى بولعان، ءبىراق جاعدايى اۋىر ەدى. وكىنىشكە وراي، دارىگەرلەر كريستينانى قۇتقارا المادى.

ەرەكشە دارىن يەسىنىڭ ءومىرى وسىلاي اياقتالعانى وكىنىشتى، ارينە. بارلىعى ءانشىنىڭ دارىندىلىعىنا ەسىل دەرتى كەتكەن جانكۇيەردىڭ كەسىرىنەن بولدى. كۇزەتشىلەردىڭ ايتۋى بويىنشا، ەگەر كريسينانىڭ اعاسى اراشا بولماعاندا باسقا دا ادامداردىڭ جاراقاتتانۋى مۇمكىن ەدى.

اۋدارعان: اسەل وتەشوۆا