2017 جىلدىڭ 23 مامىر كۇنى قازاقستان رەسپۋبليكاسى  مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى تاراپىنان «تۇركى-سلاۆيان بايلانىسىنداعى ءتىل جانە ادەبيەت: قازىرگى زامان كوزقاراسى» اتتى حالىقارالىق عىلىمي كونفەرەنسيا وتكەن بولاتىن. وسىعان بايلانىستى قامشى ءتىلشىسى فيلولوگيا عىلىمدارىنىڭ كانديداتى، ل.ن. گۋميليەۆ اتىنداعى ەۇۋ دوسەنتى، ش.ءۋاليحانوۆ اتىنداعى اتاۋلى سىيلىقتىڭ يەگەرى بورىبايەۆا ماينۇر ءابىلتايقىزىنان سۇحبات الدى.

«24 مامىر  بۇكىل سلاۆيان الەمىندە  جانە ەۋرازيا كەڭىستىگىندە  «سلاۆيان جازباسى» كۇنى دەپ اتالادى. قازاقستان رەسپۋبليكاسىن تىلدەردى قولدانۋ مەن دامىتۋعا ارنالعان مەملەكەتتىك باعدارلاماسى  2011 مەن 2020 جىلدار ارالىعىندا  قولعا الىنعان بولاتىن.  «تۇركى-سلاۆيان بايلانىسىنداعى ءتىل جانە ادەبيەت: قازىرگى زامان كوزقاراسى» ءىس-شاراسى وسى باعدارلامانى  جۇزەگە اسىرۋعا باعىتتالعان. 24 مامىر «سلاۆيان جازباسى» دەپ اتالسا، 18 مامىر قازاقستاندا 2014 جىلدان باستاپ «تۇركى جازباسى» دەپ اتالىپ كەلەدى.

2007 جىلدان باستاپ  مامىر ايىنىڭ 23 مەن  24 جۇلدىزى ارالىعىندا  سلاۆيان جازباسىنا ارنالعان عىلىمي دوڭگەلەك ۇستەل نەمەسە عىلىمي كونفەرەنسيالار  ءوتىپ ءجۇر.

 «تۇركى-سلاۆيان بايلانىسىنداعى ءتىل جانە ادەبيەت: قازىرگى زامان كوزقاراسى» كونفەرەنسياسىنا بەدەلدى تۇلعالار كەلدى. سونىڭ ىشىندە: قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى ءتوراعاسىنىڭ ورىنباسارى مەلدەشوۆ عالىمجان، رەسەي فەدەراسياسىنىڭ قازاقستانداعى توتەنشە جانە وكىلەتتى ەلشىسى بوچارنيكوۆ ميحايل نيكولايەۆيچ، قازاقستان رەسپۋبليكاسىنداعى بولگاريا رەسپۋبليكاسى ەلشىسىنىڭ ورىنباسارى يۆان گەنوۆ، قازاقستان رەسپۋبليكاسىنداعى رەسەي ىنتىماقتاستىق وكىلەتتىگى جەتەكشىسى نەفودوۆ ۆيكتور لەونيدوۆيچ.

 «تۇركى-سلاۆيان بايلانىسىنداعى ءتىل جانە ادەبيەت: قازىرگى زامان كوزقاراسى» دەپ اتالعانى بەكەر ەمەس. ويتكەنى  كەشەگى عىلىم مەن بۇگىنگى عىلىم اراسى كۇننەن كۇنگە تولىقتىرىلىپ، وزگەرىستەر بولىپ جاتىر، سونىڭ ءبارى وسى كونفەرەنسيادا تالقىلاندى.  قازاقستاندا شەتەلدەن كەلگەن ستۋدەنتتەر كوپ. شەتەل ستۋدەنتتەرىنە ورىس ءتىلىن، سلاۆيان تىلدەرىن قالاي وقىتۋعا بولاتىنى  جانە قازىرگى تاڭدا تىلدەردىڭ ۇيرەنۋدىڭ قانداي ەرەكشەلىكتەرى بار ەكەنى قاراستىرىلدى»