مۇنداي سۋروگاتتار شىن سابيگە وتە ۇقساس. ءتىپتى سىرت كەلبەتىندە ەشقانداي ايىرماشىلىق جوق دەسە دە بولادى. بۇل قۋىرشاقتار جىلامايدى، تاماق سۇرامايدى جانە قيمىلدامايدى. الايدا سوڭعى كەزدەرى كەيبىر كاسىپورىندار مانەكەندەردە ءسابيدىڭ ءيىسى شىعىپ تۇراتىنداي جاساعان.
اقش-تا مۇنداي قۋىرشاقتار 20 جىلدان استام ۋاقىت بۇرىن شىققان. ال ازيا ەلدەرىندە بىرنەشە جىل بۇرىن عانا كەلدى دە بىردەن ءوز ساتىپ الۋشىسىن تاپتى.
ءتىپتى سۋروگات قۋىرشاقتارعا بالاسىنداي قاراپ، وعان قامقورلىق كورسەتىپ جۇرگەن «انالارعا» ارنالعان فورۋم ءوتىپ تۇرادى. وعان جالعىز باستى ايەلدەر مەن كاسىپكەر ارۋلار عانا ەمەس بالالارى بار انالار دا قاتىسادى.
كەيبىر ادامدار قۋىرشاقتى ارنايى تاپسىرىسپەن جاساتادى. كاسىپورىندار شەتىنەپ كەتكەن بالالارىنىڭ فوتوسى ارقىلى ءدال بالالارىنداي قۋىرشاق جاساپ بەرەدى ەكەن.
دايىنداعان: اسەم المۇحانبەت
