اقمولا وبلىسىندا «قازاقالتىن» تكمك» اق اۋماعىنان قۇرامىندا التىنى بار ماتەريال ۇرلاعان قىلمىسكەر ۇستالدى، دەپ حابارلايدى  قازاقپارات.  پوليسەيلەردىڭ مالىمەتى بويىنشا وتكەن جىلدىڭ 5 قىركۇيەگىندە تۇنگى 03:00-دەر شاماسىندا 27 جاستاعى كۇدىكتى ءوزىنىڭ ەكى سىيبايلاسىمەن بىرگە «قازاقالتىن» تكمك» اق اۋماعىنا زاڭسىز كىرىپ،  قاپتارىنا سالىنعان قۇرامىندا التىنى بار ماتەريالدى «ۋاز» كولىگىنە تيەپ الىپ كەتكەن.

ۇرلانعان ماتەريالدى اقسۋ كەنتىندەگى ۇيلەردىڭ بىرىندە ساقتاعان. پوليسەيلەر كەلەسى كۇنى قىلمىستىڭ بەتىن اشىپ، جالپى سالماعى 881 كەلى بولاتىن ۇرلانعان ماتەريالدار سالىنعان 21 قاپتى تاپتى. الايدا، سول كەزدە كۇدىكتىلەردى بىردەن قىلمىستىڭ ءىزىن سۋىتپاي ۇستاۋعا مۇمكىندىك بولمادى.

اتالعان قىلمىسقا بايلانىستى ق ر قك 188 بابىنىڭ 4 ءبولىمى (ۇرلىق) بويىنشا قىلمىستىق ءىس قوزعالىپ، كۇدىكتىلەردى ۇستاۋ ءۇشىن كەشەندى شارالار جۇزەگە اسىرىلدى. ناتيجەسىندە اعىمداعى جىلدىڭ 24 مامىرىندا باستى كۇدىكتى الماتى قالاسىندا قولعا ءتۇستى. جالپى، «قۇقىقتىق ءتارتىپ» جەدەل الدىن الۋ شاراسى بارىسىندا 19 قىلمىسكەر ۇستالىپ، قارۋ ۇستاۋ جانە ساقتاۋ بويىنشا 18 وقيعا انىقتالدى، سونداي-اق، وسىعان دەيىن جاسالعان 150 قىلمىس اشكەرلەندى. ونىڭ 42ء-ى وتكەن جىلدارى جاسالعان.