كەلەر جىلدان باستاپ جەكە كۋالىك پەن پاسپورتتى نەبارى 3 ساعاتتىڭ ىشىندە الۋعا بولادى. ماۋسىم ايىندا قۇجاتتاردى الۋ مەرزىمى ەكى ەسەگە قىسقارماق. بۇل تۋرالى استانا قالالىق حالىققا قىزمەت كورسەتۋ ورتالىعى باسشىلىعى مالىمدەدى، دەپ حابارلايدى قامشى اقپاراتتىق اگەنتتىگى استانا ارناسىنا سىلتەمە جاساپ.

بۇگىنگى تاڭدا كۋالىكتى جەدەلدەتىپ تەزدەتىپ جاساتۋ ءۇشىن، ۇستىنەن 2000 تەڭگەدەن كوپ اقشا قوسىلادى. ونىڭ ۇستىنە جەدەلدەتىلگەن كۇننىڭ وزىندە 5 كۇننەن كەم بولمايدى ەكەن. ادامدى اۋرە-سارساڭعا سالعان بۇل جۇيە ەندى جەڭىلدەتىلمەك. 

ەرلان شۇرەنوۆ، استانا قالالىق حقكو ۇيلەستىرۋ قىزمەتى دەپارتامەنتىنىڭ باسشىسى:

تاپسىرمادان كەيىن اتالعان 4 قالادا 1 كۇن ىشىندە، ال وزگە وبلىس ورتالىقتارىندا 1 اپتا ىشىندە دايىنداۋ جۇزەگە استى. بۇل جوبا ءىىم مەن بىرلەسە اتقارىلعان. ءبىز تەحنيكالىق تۇرعىدا دايىنبىز. جوبا جاقىن ارادا جۇزەگە اسادى. مۇنان وزگە ءبىرىڭعاي حقكو سالۋ جوسپارلانعان. ولاي بولعان جاعدايدا، ءبىر عيماراتتا فرونت جانە بەك وفيستەر سالىنىپ، ماماندار ءبىر جەردە وتىراتىن بولادى. قۇجاتتاردى بىرنەشە ساعات ىشىندە الىپ كەتۋ مۇمكىندىگى بار.

جىل باسىنان بەرى 15 مىڭداي اقتوبەلىك جەكە باسىن كۋالاندىراتىن قۇجات پەن پاسپورت الدى. بۇل قۇجاتتاردىڭ تەڭ جارىمى قىسقارتىلعان مەرزىم ىشىندە ازىرلەنگەن. ءبىراق باسقا وڭىرلەردىڭ قارقىنى بۇدان باياۋ. ماسەلەن ورالدا قۇجاتتار، ەڭ جىلدام دەگەندە، تەك ءتورت كۇندە ءازىر بولادى.

ۆەنەرا ءساتجانوۆا، بقو ءىىد كوشى-قون قىزمەتىنىڭ اعا ينسپەكتورى:

بۇرىنعى ۋاقىتتا قۇجاتتى بەرۋ جانە راسىمدەۋ ءىسى 30 كۇن ىشىندە بولاتىن. قازىرگى ۋاقىتتا 15 كۇن ىشىندە راسىمدەپ بەرىلەدى. جانە ازاماتتار ءوزىنىڭ قۇجاتتارىن جەدەل تۇردە العىسى كەلىپ ارىز بەرسە، وندا ولاردىڭ قۇجاتى 4 كۇندە راسىمدەپ بەرىلەدى. وعان ءبىراق قوسىمشا اقى بولىنەدى. 1 989 تەڭگە.

15 كۇندە راسىمدەلەتىن ءتولقۇجاتقا تولەم - 9 076 تەڭگە. ال، تەزىرەك جاساتقىڭىز كەلسە،  1 989 تەڭگە قوسىمشا تولەۋگە تۋرا كەلەدى.