كوكشەتاۋدا وسىدان ءۇش كۇن بۇرىن مەكتەپ وقۋشىسى جوعالعان بولاتىن. 13 جاستاعى قىز ءۇش كۇننەن سوڭ تاستاندى ۇيدەن تابىلدى دەپ حابارلايدى قامشى اقپاراتتىق اگەنتتىگى Sputnik كازاحستان-عا سىلتەمە جاساپ.
الەكساندرا تكاچەنكو 23 مامىر كۇنى ۇيدەن شىعىپ جوعالىپ كەتكەن. ونىڭ جوعالعاندىعى تۋرالى مالىمەت پوليسياعا 24 مامىردا تۇسكەن.وبلىستىق ءىىب-سى جوعالعان قىزدى ىزدەۋ جۇمىستارىنا بارلىق توتەنشە قىزمەتتەرىن جۇمىلدىرىلعان.
ىزدەۋ جۇمىستارى كەزىندە وقۋشى قىز تاستاندى ءۇيدىڭ ىشىنەن تابىلعان. №6 مەكتەپتىڭ 5-سىنىپ وقۋشىسى ءوز اپاسىمەن بىرگە تۇرعىسى كەلمەي ۇيدەن قاشىپ كەتكەن.
«بۇعان دەيىن دە قىز بىرنەشە رەت ۇيدەن قاشىپ كەتىپ وتىرعانى بەلگىلى بولدى. ءقازىر ونى ارنايى مەكتەپكە كوشىرۋ تۋرالى ماسەلە قاراستىرىلۋدا»-دەيدى پوليسەي قىزمەتكەرلەرى.
