امەريكالىق ميلا كلارك ءومىر بويى ارتىق سالماقپەن كۇرەسىپ كەلەدى. قۇرداستارى ونى 3 جاسىنان باستاپ «تولىق» دەپ اتاعان. تولىقتىعى جىل سايىن ارتىپ، توسەكتەن تۇرا المايتىن جاعدايعا جەتكەن.

ۋاقىت وتە كەلە  5  بالانىڭ اناسى توسەك تارتىپ جاتقان. سول ساتتەن باستاپ ارتىق سالماقتان ارىلۋدىڭ جولدارىن قاراستىرا باستاعان. سودان بەرى جىل ءوتتى جانە ءبىراز وزگەرىستەر ورىن الدى.

تەز ازىرلەنەتىن تاعامدارعا دەگەن سۇيىسپەنشىلىگى ميلادا بالا كۇنىنەن باستاپ پايدا بولعان. ميلانىڭ اناسى بوس ۋاقىتىندا دۇكەنگە بىرگە بارىپ ءتۇرلى تاتتىلەردى ساتىپ الىپ بەرىپ جۇرگەن. سونىڭ ناتيجەسىنە تولىقتىققا دۋشار بولىپ وتىر.

جىلدار بويى كلارك كۇيەۋى جانە بالالارىمەن بىرگە ءومىر سۇرۋدە.

قۋانىشىنا وراي توسەكتەن تۇرا المايتىن ايەلدىڭ وتباسى مۇشەلەرى جاقسى بولىپ شىعادى. اناسىنا جاقسى كۇتىم جاسايدى.

ميسسيس كلارك ءبىر بالانى بوسانعاننان كەيىن ومىرىنە ءقاۋىپ تونە باستاعان. سوندىقتان كۇيەۋى ەكەۋى اقىلداسىپ 4 بالانى اسىراپ العان.

ارتىق سالماقتان ارىلۋعا باستاما بولعان تاعى ءبىر جايت بار.  كۇيەۋىنىڭ جۇرەگى اۋىرىپ اۋرۋحاناعا تۇسكەن ساتتە جاعدايىن ءبىلۋ ءۇشىن  اۋرۋحاناعا دا بارا المايدى. سوعان اشۋلانعان ميلا سالماق تاستاۋعا شەشىم قابىلدايدى.

الايدا ونىڭ ءوزى ايەلگە وڭايعا سوقپايدى.

توسەك ورنىنان مۇگەدەكتەر ارباسىنا ارەڭ اۋىسقان كوپبالالى انا گاستروەنتەرولوگيا سالاسىنىڭ ءبىرىنشى كلاسستى مامانىنا جۇگىنەدى.

اۋرۋحاناعا بارعان ساتتە ايەلدى كورگەن دارىگەرلەر ءتىپتى سالماعىن ولشەي الماعان.  اۋرۋحانادا ءبىراز ۋاقىت ەم الۋ ۇسىنىلىپ ،ارنايى تاماقتانۋ رەجيمى قويىلعان.

سونىڭ نەگىزىندە ەكى اي ىشىندە ناۋقاس 39 كەلى سالماق تاستاعان.

ءبىراز ۋاقىت وتكەن سوڭ ايەلگە وپەراسيا جاسالدى.

بارلىق ەمىن  قابىلداي كەلە ايەل 124 كەلى تاستاپ، بۇگىندە ءوزى ءجۇرىپ تۇرا الاتىن حالگە جەتتى. 216 كەلى سالماقتا بولۋدىڭ ءوزى ميلا ءۇشىن ۇلكەن جەتىستىك.

ايەلدىڭ الداعى ۋاقىتتا دا سالماق تاستاۋ ءۇشىن جاتتىعۋدى توقتاتپايتىنى بەلگىلى بولىپ وتىر.

دايىنداعان: ايگەرىم تاۋباي