اقش-تا مۇسىلمان جىگىت  وزىنە شوشقا ەتىمەن ساتىلعان پيسسا ءۇشىن پيسسەريا كومپانياسىمەن سوتتاسىپ جاتىر دەپ حابارلايدى قامشى اقپاراتتىق اگەنتتىگى ريا نوۆوستيعا سىلتەمە جاساپ.

ول ءوزىنىڭ ەسكەرتۋلەرىنە قاراماستان وعان شۇجىق پەن شوشقا ەتىمەن پيسسانىڭ ەكى رەت ساتىلعانىن ايتقان. وسى ورايدا ول وتەماقى رەتىندە 100 ميلليونوۆ دوللار تالاپ ەتىپ وتىر.

ميچيگان شتاتى ديربورن قالاسىنىڭ تۇرعىنى موحامماد باززي  Little Caesars جەلىسىنەن پيسساعا ەكى رەت تاپسىرىس بەرگەن. 20 ناۋرىزدا ول «حالال» دەپ كورسەتىلگەن پيسسانى ساتىپ العان. جۇبايى ەكەۋى پيسساعا شوشقا ەتى قوسىلعاندىعىن كەيىن بىلگەن.  باززي بۇرىندارى ءوزى دە پيسسا جاساۋمەن اينالىسقاندىقتان پەپپەروني  (شۇجىققا ۇقساس) دامىمەن جاسالعان پيسسانىڭ قانداي ەتتەن جاسالعاندىعىن ايىرا الامىن دەيدى. شوشقا ەتىمەن جاسالعان پەپپەرونني ەكەنىن ءدامىن تاتقان سوڭ بىردەن تۇسىندىك دەيدى ول. وسىعان نارازى بولعان ول پوليسياعا ارىزدانعان.

«حالال شوشقانىڭ ەتى دەگەن نارسە جوق. شوشقا ەتى يسلامدا تىيىم سالىنعان» دەدى ەرلى زايىپتىلاردىڭ قورعاۋشىسى شەتەلدىك باسىلىمداردىڭ بىرىندەگى سۇحباتىندا. 

شولۋشى: نازەركە مۇسا