شري-لانكادا تروپيكالىق جاڭبىرلى داۋىلىنىڭ سالدارىنان تۋىنداعان سۋ تاسقىنى مەن لاي كوشكىندەرىنەن قازا تاپقانداردىڭ سانى 91 ادامعا جەتتى، دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساپ.
تاعى 100-دەن استام تۇرعىن ءىز-تۇزسىز جوعالىپ كەتكەن. تابيعي اپاتقا بايلانىستى 20 مىڭ ادام ءقاۋىپسىز جەرگە كوشىرىلگەن. داۋىلدان 35 مىڭ ءۇي ءبۇلىنىپ، تاس جولدار مەن تەمىر جولداردى سۋ شايعان. ءقازىر اپاتتى ايماقتاردا ىزدەستىرۋ-قۇتقارۋ جۇمىستارى جۇرگىزىلىپ جاتىر.
وعان مىڭداعان سارباز تارتىلدى. بيلىك ەلگە 2 ميلليارد دوللاردان استام شىعىن كەلگەنىن مالىمدەپ، حالىقارالىق قاۋىمداستىقتان قولدان كەلگەنشە كومەك كورسەتۋدى سۇراپ وتىر.
شولۋشى :ايگەرىم تاۋباي
