قانات يسلاموۆتىڭ بۇگىن جيىرما ءتورتىنشى جەڭىسىنە جەتتى. قانات يسلاموۆتىڭ اقش-تاعى ءتورتىنشى كەزدەسۋى.
ايتا كەتەيىك قانات يسلام جەكپە-جەكتى ون ەكى راۋندقا سوزعان بولاتىن. قانات ءوزىنىڭ نە ءۇشىن ون ەكى راۋندقا سوزعانىن ايتىپ بەردى دەپ حابارلايدى قامشى اقپاراتتىق اگەنتتىگى.
«قازاق ەلى راحمەت! سىزدەرگە جەڭىس سىيلاعانىما وتە قۋانىشتىمىن! قازاق ەلى مەنەن نوكاۋت كۇتتى، ءبىراق مەنىڭ جاتتىقتىرۋشىلارىم ماعان ويىندى ون ەكى راۋندقا سوزۋعا تاپسىرما بەردى. سەبەبى استانا، الماتى قالالارىندا ۇلكەن ون ەكى راۋندتىق جەكپە-جەكتەر كۇتىپ تۇر. بۇل كەزدەسۋ سول ويىنداردىڭ دايىندىعى. العا قازاقستان، العا قازاق ەلى»،- دەدى قانات يسلاموۆ.
جيىرما ءتورتىنشى كەزدەسۋىندە جەڭىسكە جەتكەن قانات ءوز جەڭىسىن ەلباسىنا ارنايتىنىن جەتكىزدى جانە زالداعى كورەرمەندەردى ەلىمىزدە وتەتىن ەكسپو-2017 كورمەسىنە شاقىردى.
