قازاقستان رەسپۋبليكاسىنىڭ توتەنشە جاعداي كوميتەتى جاقىندا بالا قاۋىپسىزدىگى مەن باقىلاۋىن قاداعالاۋ مەن كۇشەيتۋ تۋرالى مالىمدەگەن بولاتىن. وسىنداي ەسكەرتپەلەرگە قاراماستان قايعىلى جاعدايلار كۇن ساناپ وسۋدە دەپ حابارلايدى قامشى اقپاراتتىق اگەنتتىگى  Zakon.kz-كە سىلتەمە جاسايدى.

ماسەلەن، سوڭعى تاۋلىكتە قازاقستاننىڭ ءۇش وبلىسىندا  بىردەي كىشكەنە بالالار قايعىلى جاعدايعا ۇشىرادى.

وڭتۇستىك قازاقستان وبلىسىنىڭ ماقتاارال اۋدانى جەتىساي قالاسىندا دوستىق كانالى سۋىندا 2004 جىلعى جەتكىنشەك سۋعا باتىپ كەتكەن.

ال الماتى وبلىسى ەڭبەكشىقازاق اۋدانىندا قاينازار اۋىلىندا قاينازار وزەنىنە ۇلكەندەردىڭ قاراۋىنسىز قالعان 2015 جىلعى جاس بالا سۋعا كەتكەن.

ءدال وسى قاينازار وزەنىنە تاعى ءبىر 2015 جىلعى ءسابي سۋعا باتقان. سونىمەن بىرگە جامبىل وبلىسى جامبىل اۋدانىندا اسا اۋىلىندا اسا وزىنىندە شومىلىپ جۇرگەن 2003 جىلعى جەتكىنشەك تە سۋعا باتىپ قازا تاپتى.

تجك قاۋىپسىزدەندىرىلمەگەن جەرلەردە سۋعا تۇسپەۋ كەرەكتىگىن، كىشكەنە بالالار، سابيلەردى  وزەن، سۋ، كانال جانىندا قاراۋسىز قالدىرۋ دا ءقاۋىپتى ەكەنىن ەسكەرتەدى.

شولۋشى: نازەركە مۇسا