قاراپايىم شوپىرمىن. الماتىدا «جابايى» تاكسي بولىپ جان باعامىن. كوكتەم شىققالى كوپ سۇمدىققا كۋا بولىپ جاتىرمىز. مارت كەلگەندە جول جوندەي باستايتىن الماتىنىڭ اتقا مىنەرلەرى بىردە ابىلايحان داڭعىلىنداعى ءبۇپ-بۇتىن جولدى قورىس-قوپاسىن شىعارىپ قازعىلادى. تولەبيدى ءبىر تۇرتپەكتەپ شىقتى. بۇنداي مىسال كوپ. ساپ-ساۋ جولدى شۇڭقىرلاپ قازىپ تاستاپ، اي بويى جوندەمەي قوياتىنى تاعى بار. ال سول جول جوندەگىش، كوشە بۇتىندەگىشتەر الماتىنىڭ دۋمانداعى، شاڭىراقتاعى، قالقامانداعى باتپاققا مالىنعان، مىڭ شۇڭقىر، شۇرق تەسىك كوشەلەرىن ەشقاشان كورگەن ەمەس.

بۇل جولى ايتايىن دەگەنىم ول دا ەمەس. بالا-شاعانىڭ قامى دەپ الماتىنى اينالا تاكسي قىزمەتىن ۇسىنامىز. دەگەنمەن كوپ كۋا بولاتىنىم كۇن شىققاندا جارقىراپ جانىپ تۇراتىن كوشە شامدارى. بۇگىن كۇيىپ كەتتىم، ءبىر كوشە ەمەس، قيىلىسىپ جاتقان قوس كوشەدە شام جارقىراپ تۇر. شام وشىرەتىن جارىقتىق ءىشىپ كەتكەن بە؟ گاگارين مەن قاراساي باتىردىڭ قيلىسى. قاداعالايتىن ءبىر باسشى جوق...

ءتۇسىپ تۇرعان تۇمان جوق، كۇن جارىقتا جارقىراپ جانىپ تۇرعان شامداردان قانشاما ەنەرگيا بوسقا كەتىپ جاتىر. ەنەرگيا عانا ەمەس سوعان سالىق رەتىندە تولەپ وتىرعان حالىقتىڭ اقشاسى بوسقا شاشىلىپ جاتىر. ءبىر رەت ەمەس سان رەت كۋا بولعاسىن ايتامىز دا. مىناۋ دا الماتىنىڭ شەتكى كوشەلەرىنەن تۇسىرىلگەن سۋرەت.

قازاقستان «جاسىل ەنەرگيا» دەپ ۇرانداپ، EXPO كورمەسىن وتكىزگەلى جاتقاندا الماتى اكىمدىگىنىڭ بۇل قاي ساسقانى؟ سالىقتان تۇسكەن حالىق اقشاسىن ىسىراپ قىلۋ قانشاعا دەيىن جالعاسا بەرمەك؟

باۋىرجان باقىت