"KLASSIK-2" كومپانياسى بارلىق تاۋارىنا قىتايدىڭ جالعان ەكسپورتتىق دەكلاراسياسىن جاساعان دەپ حابارلايدى قامشى اقپاراتتىق اگەنتتىگى kazpravda.kz-كە سىلتەمە جاساپ.

2015 جىلدىڭ تامىز ايىندا "KLASSIK-2" كومپانياسى 1 ملرد. 127 ميلليون تەڭگەگە باعالاناتىن تاۋاردى جالعان قۇجاتپەن زاڭسىز قىتايدان قازاقستانعا الىپ كەلگەن.

«دوستىق» كەدەنىنەن وتكەننەن كەيىن "KLASSIK-2" كومپانياسىنىڭ وكىلدەرى زاڭسىز تاۋاردى 15 تەمىر جول ۆاگونىنا تيەگەن. تاۋاردىڭ جارتىسى باج سالىعىنسىز قازاقستان ايماعىندا قالعان.

اقتاۋدىڭ مەملەكەتتىك كىرىس كوميتەتىنىڭ قىزمەتكەرلەرى 15 ۆاگونداعى كونتراباندالىق تاۋاردى تاپقان.
 

شەكارادان زاڭسىز وتكىزىلگەن تاۋاردىڭ جالپى سومماسى 1 ملرد. 126 ملن. 578 مىڭ 159 تەڭگەنى قۇراعان.

ق ر قىلمىستىق ىستەر بويىنشا جوعارى سوتى "KLASSIK-2" كومپانياسىنىڭ وكىلى ن.بارحۋداروۆقا 3000 اەك كولەمىندە ايىپپۇل سالدى جانە كونتراباندالىق تاۋار تاركىلەۋ تۋرالى شەشىم شىعاردى.

شولۋشى: اسەم المۇحانبەت