جاقىندا دونالد ترامپتىڭ قانعا بويالعان باسى تۇسىرىلگەن سۋرەتتەر مەن ۆيدەولار ب ا ق اراسىندا تاراپ ءبىراز داۋ تۋعىزدى دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ. TMZ باسىلىمى اقش پرەزيدەنتىنىڭ باسىن ۇستاعان تەلەجۇرگىزۋشىنىڭ سۋرەتتەرىن جاريالاعان. CNN تەلەارناسىنىڭ جۇرگىزۋشىسى كەتي گريففين فوتوگراف تايلەر شيلدسپەن فوتوسەسسيا وتكىزىپ اقش پرەزيدەنتىنىڭ "كەسىلگەن" باسىنىڭ ماكەتىمەن سۋرەتكە تۇسكەن.
مالىمەتتەرگە سۇيەنسەك، فوتوگراف تايلەر شيلدس وسىنداي ارەكەتتەرىمەن تانىمال بولعان. سونىمەن بىرگە، تەلەجۇرگىزۋشى فوتوسەسسيادان كەيىن ولاردىڭ زاڭ الدىندا جاۋاپ بەرۋى مۇمكىن ەكەندىكتەرىن ايتىپ، ونداي جاعدايدا مەكسيكاعا كوشىپ كەتەمىز دەپ قالجىڭداعان.
قازىرگى كەزدە وسى ماسەلەگە بايلانىستى اقش-تىڭ قۇپيا ىستەر جونىندەگى قىزمەتى تەكسەرىس جۇرگىزۋدە.
شولۋشى: نازەركە مۇسا
