ۇلتتىق كاسىپكەرلەر پالاتاسىنىڭ الاڭىندا تاريف بەلگىلەنىمىنىڭ ىنتالاندىرۋ ادىستەمەسىن ەنگىزۋ ماسەلەسىن تالقىلاۋعا ارنالعان جيىن ءوتتى. «اتامەكەن» ۇكپ باسقارما ءتوراعاسىنىڭ ورىنباسارى ەلدوس رامازانوۆتىڭ جەتەكشىلىگىمەن وتكەن باسقوسۋعا مەملەكەتتىك ورگاندار مەن بيزنەس-قاۋىمداستىق وكىلدەرى قاتىستى.
جيىندى اشقان ەلدوس رامازانوۆ تاريف بويىنشا كەڭەس جۇمىسىن جەتىلدىرۋ تۋرالى ۇسىنىسىن ورتاعا سالدى.
«كەڭەستىڭ سوڭعى وتىرىسى جارتى جىل بۇرىن ءوتتى، سوندىقتان كەڭەس قۇرامىن كەڭەيتۋ تۋرالى ۇسىنىس بىلدىرگىم كەلەدى، سەبەبى قۇرامىنا وڭدەۋ ونەركاسىبى، ماشينا جاساۋشىلار، اگروونەركاسىپ كەشەنى مەن حيميا ونەركاسىبى وداعىنىڭ سەكىلدى تابيعي مونوپوليالار سۋبەكتىلەرىن پايدالانۋشىلاردىڭ وكىلدەرى قاتىستىرىلماعان. بۇل باعىتتا جۇمىس اتقارىلىپ جاتىر. سونىمەن قاتار، قوسىمشا كەڭەس نەمەسە جۇمىس توبىن قۇرۋدى ۇسىنامىن. ۇسىنىسىمدى قولدايدى دەپ ويلايمىن، بارلىعىن، سونداي-اق وڭىرلەردى دە ىسكە تارتامىز»، – دەدى ەلدوس رامازانوۆ.
ق ر ۇەم تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى ق ر تابيعي مونوپوليالار تۋرالى جاڭا زاڭ جوباسىن ۇسىنعان.
باسقارما ءتوراعاسىنىڭ ورىنباسارى ەلدوس رامازانوۆ «اتامەكەن» ۇكپ ءتورالقا ءتوراعاسى تيمۋر قۇلىبايەۆ تاريفكە قاتىستى جۇمىستى ەرەكشە باقىلاۋعا الىپ وتىرعانىن اتاپ ءوتتى.
زاڭ جوباسىنىڭ باستى ماقساتى – قولدانىستاعى شىعىنى كوپ ءادىستىڭ ورنىنا تاريف بەلگىلەمەسىنىڭ جاڭا ءادىسىن كەزەڭ-كەزەڭىمەن ەنگىزۋ ءۇشىن قۇقىقتىق نەگىز قالىپتاستىرۋ.
«تابيعي مونوپوليالار مەن نارىقتى رەتتەۋ تۋرالى قولدانىستاعى زاڭ جوباسى 1998 جىلى قابىلداندى، وندا شىعىنى كوپ ادىستەمە بەكىتىلگەن جانە تاريف بەلگىلەمەسىنىڭ جاڭا ادىستەمەسىن ەنگىزۋگە جول بەرمەيدى. بۇل زاڭعا قابىلدانعالى بەرى 15 زاڭ بويىنشا 200-دەن استام تۇزەتۋ ەنگىزىلدى، تاريفتىك رەتتەۋ پروسەدۋراسى زاڭعا قوسىمشا 79 اكتىدە بەكىتىلگەن»، – دەپ ناقتىلادى باسقارما ءتوراعاسىنىڭ ورىنباسارى.
سونىمەن قاتار، ق ر ۇەم تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى رۋستام احمەتوۆ تالقىلانىپ وتىرعان زاڭ جوباسى تاريف بەلگىلەمەسىنىڭ جاڭا قۇرالدارىن ەنگىزۋگە جانە اشىقتىعىن ارتتىرۋعا جولدانعانىن اتاپ ءوتتى.
«زاڭ جوبسىن العاش رەت ەلەكتروندى فورماتقا سالىپ وتىرمىز. وندا تۇتىنۋشىلار ءۇشىن تاريفكە قاتىستى بارلىق ەسەپتەۋلەر كورسەتىلگەن. وسىلايشا، تابيعي مونوپوليالار سۋبەكتىلەرىنە تاريف بەلگىلەمەسىنە قاتىستى كوممەرسيالىق اقپاراتتى جانە كەز كەلگەن باسقا دا دۇنيەلەردى تانۋعا تىيىم سالامىز»، – دەپ ءتۇسىندىردى رۋستام احمەتوۆ.
كەزدەسۋ بارىسىندا ەۋروپا قايتا قۇرۋ جانە دامۋ بانكىنىڭ كەڭەس بەرۋشى ماماندارى ۇسىنىلىپ وتىرعان رەتتەۋ مەحانيزمىن ءتۇسىندىردى. مەحانيزمگە رەتتەۋدىڭ ۇزاقمەرزىمدى كەزەڭى، ينۆەستيسيالىق كاپيتالعا كىرىس پەن قايتارىپ بەرۋدى انىقتاۋ، وپەراسيالىق شىعىنداردىڭ تيىمدىلىگى مەن ساپا كورسەتكىشتەرىن انىقتاۋ جانە ت.ب. ەلەمەنتتەر كىرگىزىلگەن.
«ۇزاق مەرزىمدىلىكتىڭ ارقاسىندا ەكونوميكالىق جوسپارلاۋ تۇراقتىلىعى، باعا مەن ساپانىڭ ءوزارا بايلانىسىن قامتاماسىز ەتۋ، ينۆەستيسيالىق تارتىمدىلىق پەن ۇنەمدەۋدى قولدانۋ مۇمكىندىگى نەگىزگى ارتىقشىلىقتارى بولىپ سانالادى»، – دەپ اتاپ كورسەتتى ەقدب كەڭەسشىسى اناتوليي اۆكسەنتيەۆ.
الايدا كەڭەس مۇشەلەرى تاريفتەردىڭ ءوسۋى مەن ءتۇرلى سالادا بەيىمدەۋدىڭ قيىندىعى تۋرالى قاۋىپتەنەتىندىكتەرىن جەتكىزدى.
ءوز كەزەگىندە، قوعام قايراتكەرى پەتر سۆويك رەفورمالاۋ قاجەت ەكەنىن قولداپ، ءوز ۇسىنىسىن ورتاعا سالدى.
«راسىمەن دە، بۇل ادىستەمە ءتيىمدى كورىنەدى. دەگەنمەن، بىزگە نە بەرەدى، نە جەتپەيدى، نەنى قوسۋ كەرەكتىگىن ءتۇسىنۋ كەرەك. ءقازىر باستى ماسەلە قايسى؟ ول تۇتىنۋشىلار، اسىرەسە شاعىن جانە ورتا بيزنەس ءوزىنىڭ تولەۋگە قابىلەتتىلىگىنىڭ شەگىنەن شىعۋ كەرەكتىگىنەن تۇرادى. كاسىپورىندارعا (تابيعي مونوپوليالار سۋبەكتىسىنە – رەد.) شىنىمەن دە ينۆەستيسيا كەرەك. ۇلتتىق پالاتاعا اۋقىمدى جۇمىس جۇكتەلەدى دەپ ويلايمىن. «اتامەكەندە» بىلىكتىلىگى ساپالى تەحنيكالىق تالداۋ بار. اۋديتور ءوز جاعدايىن بايانداۋى كەرەك، سونداي-اق مونوپوليست تە ءوزىنىڭ جاعدايىن ايتۋى قاجەت، سونداي-اق وكىلدەر مەن تۇتىنۋشىلار دا جاسىرماعانى ءجون، سول اقپاراتتاردىڭ بارلىعىن سالىستىرا كەلە، ۇلتتىق كاسىپكەرلەر پالاتاسى تورەلىگىن ايتادى»، – دەدى پەتر سۆويك.
قازاقستان ەلەكتر ەنەرگياسى قاۋىمداستىعىنىڭ ءتوراعاسى شايمەردەن ورازالينوۆ ەقدب كەڭەسشىلەرى ىنتالاندىرۋ ادىستەمەسىن ەنگىزگەن كەزدە ءتاريفتىڭ بولجاناتىن ءوسۋىنىڭ ساندىق كورسەتكىشتەرىن بەرۋدى سۇرادى. قۇراستىرۋشىلار اتالعان مالىمەتتەردى بەرۋگە ۋادە ەتتى.
ەلدوس رامازانوۆ جيىندى قورىتىندىلاي وتىرىپ، پىكىر جيناقتاپ، ونى ق ر ۇەم تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنە ەنگىزۋ ءۇشىن «اتامەكەن» بيزنەس-قوعامداستىق وكىلدەرىنەن سىندارلى ۇسىنىستار كۇتەتىنىن اتاپ ءوتتى.
