رەسەيدە «ياندەكس. تاكسي» قىزمەتىن قولدانۋشى ايەلدىڭ ايتۋى بويىنشا تاكسي جۇرگىزۋشىسى ايەلدىڭ زاتتارىن ۇرلاپ، ونىمەن قوسا زورلاعان دەپ حابارلايدى قامشى اقپاراتتىق اگەنتتىگى life.ru-عا سىلتەمە جاساپ. 

قۇقىق قورعاۋ قىزمەتكەرلەرى ورىن العان ءىستىڭ ءمان جايىن انىقتاۋدا. ۇرلىق پەن زورلاۋ بويىنشا باستى كۇدىكتى "ياندەكس. تاكسي" جۇرگىزۋشىسى بولىپ وتىر. 

34 جاستاعى ەۆگەنيا ب-نىڭ ايتۋى بويىنشا، ول پۋشكين الاڭىنا تاكسي شاقىرعان. ساۋىق كەشىنەن شىققاندىقتان ءبىرشاما ءسپيرتتى ىشىمدىك قولدانعان ايەلدىڭ جولدا  كوزى ءىلىنىپ كەتكەن. ويانعان ساتتە ەكى ەر ادامنىڭ جىنىستىق قاتىناسقا تارتىپ جاتقانىن كورگەن. سول ساتتە شۋ شىعارعان جۇرگىنشىنى ەر ادام كولىكتەن ءتۇسىرىپ كەتكەن. 

جاپا شەگۋشى پوليسيا قىزمەتكەرلەرىنىڭ كومەگىنە جۇگىنىپ، ارىز جازعان. جەكە زاتتارىمەن قوسا 200 000  رۋبل كولەمىندەگى قارجىسىنىڭ ۇرلانعانىن ايتقان. ادام زورلىعى تۋرالى دا ءىس قوزعالىپ وتىر. 

شولۋشى: ايگەرىم تاۋباي