مەكسيكادا اقش پرەزيدەنتى دونالد ترامپ بەينەلەنگەن دارەتحانا قاعازى شىعاتىن بولادى دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ. وسىنداي باستامانى مەكسيكالىق كاسىپكەر انتونيو باتتاليا  ۇسىنعان. ول ترامپتىڭ ءوزىنىڭ وتانداستارىنا ايتقان اۋىر سوزدەرىنە وكپەسىن وسىلاي بىلدىرگىسى كەلگەن.

دارەتحانا قاعازى Trump برەندىمەن شىعاتىن بولادى جانە ونىڭ ۇرانى: «شەكسىز جۇمساق»، «بۇل ءبىز تولەيتىن قابىرعا» سىندى بولماق.

تاۋار وسى جىلدىڭ سوڭىنا قاراي ساتىلىمعا شىعاتىن بولادى. تاۋار ساتىلىمىنان تۇسكەن ءتۇسىمنىڭ 30% بوسقىنداردى قولداۋ قورلارىنا جىبەرىلەتىن بولادى.

باتتاليا ترامپتىڭ مەكسيكالىقتارعا ءتىل تيگىزىپ ولاردى ەسىرتكى ساتۋشىلار، قىلمىسكەرلەر مەن زورلىقشىلار دەپ اتاعانىنا قاپالى ەكەنىن جەتكىزدى.

كاسىپكەر  400 مىڭ پەسوعا (6 ملن تەڭگە) كەلىسىمشارتقا وتىرعان.

ەسكە سالا كەتەيىك، ترامپ 25 قاڭتاردا مەكيسا مەن اقش شەكاراسىن ءبولىپ تۇراتىن قابىرعا ورناتۋعا قول قويعان بولاتىن. شارت بويىنشا قابىرعا اقش قابىرعاعا كەتەتىن شىعىندى تولەگەنىمەن، مەكسيكالىقتار قارىزدى ۋاقىت وتە كەلە قايتارادى دەلىنگەن بولاتىن.

شولۋشى: نازەركە مۇسا