ورتالىق كوممۋنيكاسيالار قىزمەتىندە «قازكونتەنت» اق باسقارما ءتوراعاسى ە. كوچەتوۆتىڭ قاتىسۋىمەن «باسپا ءسوز، راديو، ينتەرنەت-جۋرناليستيكا سالاسىنداعى «ۇركەر-2017» ۇلتتىق سىيلىعىنىڭ ساراپتامالىق قازىلار القاسىنىڭ قۇرامىن بەكىتۋ» تاقىرىبىندا بريفينگ ءوتتى دەپ حابارلايدى قامشى اقپاراتتىق اگەنتتىگى.
باسپا ءسوز، راديو، ينتەرنەت-جۋرناليستيكا سالاسىنداعى «ۇركەر-2017» ۇلتتىق سىيلىققا قاتىسۋعا وتىنىشتەردى قابىلداۋ مەرزىمى 2017 جىلدىڭ 10 ماۋسىمىنا دەيىن ۇزارتىلعان.
«باسپا ءسوز، راديو، ينتەرنەت-جۋرناليستيكا سالاسىنداعى «ۇركەر-2017» ۇلتتىق سىيلىققا قاتىسۋ ءۇشىن وتىنىمدەردى قابىلداۋ http://urker-2017.el.kz سايتىندا جالعاسىپ كەلەدى، سىيلىقتىڭ ماقساتى ەلىمىزدىڭ تالانتتى جۋرناليستەرى مەن ساپالى مەديا-جوبالارىن انىقتاۋ جانە ماراپاتتاۋ.
ۇمىتكەرلەر ۇسىنعان ماتەريالداردى كاسىبي جۋرناليستەر مەن تانىمال تۇلعالار، مەملەكەت جانە قوعام قايراتكەرلەرىنەن قۇرالعان قازىلار القاسى ساراپتاپ، سۇرىپتايدى:
- وماشيەۆ نامازالى وماش ۇلى – ل.ن. گۋميليەۆ ات. ەۇۋ جۋرناليستيكا ماسەلەلەرىن زەرتتەۋ ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى، پروفەسسور.
- جولداسبەكوۆ مىرزاتاي جولداسبەك ۇلى – مەملەكەتتىك جانە قوعام قايراتكەرى، فيلولوگيا عىلىمدارىنىڭ دوكتورى، پروفەسسور.
- ساق قايرات ءومىرباي ۇلى - ل.ن. گۋميليەۆ ات. ەۇۋ جۋرناليستيكا جانە ساياساتتانۋ فاكۋلتەتىنىڭ دەكانى، فيلولوگيا عىلىمدارىنىڭ كانديداتى.
- مانكەيەۆ مۇحتار ناۋرىزباي ۇلى - «قازاقستان-2050» جالپىۇلتتىق قوزعالىسى كەڭەسىنىڭ ءتوراعاسى.
- كۋچينسكايا يۋليا ۆلاديميروۆنا – «نۇر وتان» پارتياسىنىڭ ساياسي تالداۋ جانە ستراتەگيالىق زەرتتەۋلەر ورتالىعىنىڭ ديرەكتورى، الەۋمەتتىك عىلىمدار كانديداتى.
- تاراكوۆ الەكساندر يۋريەۆيچ - «قوعامدىق كەلىسىم» رمم ديرەكتورى.
- الدەنەي الىبەك ۇسەن ۇلى – وڭىرلىك ب ا ق اليانسىنىڭ جەتەكشىسى
- راسۋل جۇمالى – ساياساتتانۋشى
- ابەنوۆ مۇرات ابدۋلاميت ۇلى – قوعام قايراتكەرى.
- جاپەك مەيرامحان ساعىن قىزى - "اتامەكەن" ق ر ۇكپ اگروبىلىكتىلىك ورتالىعىنىڭ «farmers.kz» پورتالىنىڭ جەتەكشىسى
- مىرزابەكوۆ امانگەلدى كەڭشىلىك ۇلى – ادەبي سىنشى
سىيلىقتىڭ جۇلدە قورى – 15 ميلليون تەڭگە. 15 نوميناسيا بويىنشا ءاربىر جەڭىمپاز 1 000 000 تەڭگەدەن الاتىن بولادى!
ا.ج. 7 مامىرىنان باستاپ باسپا ءسوز، راديو جانە ينتەرنەت-جۋرناليستيكا سالاسىندا قالام تەربەپ جۇرگەن قاۋىمعا ارنالعان مارتەبەلى سىيلىققا قاتىسۋعا 300-دەن اسا ءوتىنىش قابىلدانعانىن اتاۋ قاجەت. ۇمىتكەرلەر اسىرەسە «ۇزدىك سۇحبات»، «ۇزدىك فوتوسۋرەت»، «ۇزدىك رەپورتاج» اتالىمدارى بويىنشا باقتارىن سىناپ كورۋگە پەيىلدى.
«جۋرناليستيكاداعى دەبيۋت»، «ۇزدىك رەسپۋبليكالىق باسپا باسىلىم»، «ۇزدىك جىل جۋرنالى»، «ۇزدىك وڭىرلىك باسپا باسىلىم»، «قازنەتتەگى مەدياسەرپىن» نوميناسيالارى بويىنشا ۇمىتكەرلەر سانى از بولىپ وتىر.
سىيلىقتىڭ لاۋرەاتتارىن ماراپاتتاۋ ءراسىمى بايلانىس جانە اقپارات قىزمەتكەرلەرىنىڭ كاسىبي مەرەكەسى – 28 ماۋسىم كۇنى سالتاناتتى جاعدايدا وتەتىنىن ەسكە سالامىز.
اتالعان شارانىڭ ۇيىمداستىرۋشىسى – «قازكونتەنت» اق. ال، سىيلىقتىڭ قۇرىلتايشىسى - قازاقستان رەسپۋبليكاسىنىڭ اقپارات جانە كوممۋنيكاسيالار مينيسترلىگى.
