قحر ءتوراعاسى سي سزينپين 7-10 ماۋسىم ارالىعىندا قازاقستانعا كەلىپ، شانحاي ىنتىماقتاستىق ۇيىمىنىڭ (شىۇ) ءسامميتى جانە «استانا ەكسپو-2017» حالىقارالىق كورمەسىنىڭ اشىلۋ سالتاناتىنا قاتىسادى. بۇل جايلى قحر ءسىم رەسمي وكىلى لۋ كاننىڭ حابارلاماسىندا ايتىلعان، دەپ جازادى قامشى اقپاراتتىق اگەنتتىگى.

 «قحر ءتوراعاسى سي سزينپين 7-10 ماۋسىم ارالىعىندا مەملەكەتتىك ساپارمەن قازاقستانعا كەلەدى. ول شىۇ مەملەكەت باسشىلارىنىڭ 17ء-ىنشى كەڭەسىنە جانە استاناداعى حالىقارالىق مامانداندىرىلعان ەكسپو كورمەسىنە قاتىسادى»، - دەلىنگەن حابارلامادا.

8-9 ماۋسىم كۇندەرى استانادا شىۇ-ىنىڭ ءسامميتى وتەدى. سامميت قاتىسۋشىلارى ءۇندىستان جانە پاكىستان مەملەكەتتەرىن ۇيىمنىڭ تولىق قۇقىقتى مۇشەلىگىنە ۇسىنۋ جونىندە شەشىم قابىلدايدى دەپ جوسپارلانىپ وتىر.   

شولۋشى: گۇلىم جاقان