1 ماۋسىمدا اقتوبەنىڭ سازدى وزەنىندە ءۇش ءجاسوسپىرىم سۋعا باتىپ كەتتى. وقيعا 12ء-شى ىقشاماۋدانداعى "نۇر عاسىر" مەشىتىنىڭ ماڭىندا بولعان دەپ جازادى tengrinews.kz. قايعىلى وقيعا قالانىڭ ورتالىعىندا جۇرتتىڭ كوز الدىندا بولعان. ۆەدومستۆو اتا-انالاردان بالالارىن قاراۋسىز قالدىرماۋدى جانە وسى مىسالدى كەلتىرە وتىرىپ، شومىلۋعا بولمايتىن جەرلەردە سۋعا تۇسۋگە رۇقسات ەتىلمەينىن ءتۇسىندىرۋدى سۇراپ وتىر.
"اقتوبە تۇرعىندارى مەن قوناقتارىن كۇننىڭ جىلىنۋىنا قاراماستان، سۋدىڭ ءالى دە جىلىنباعانىن، سوندىقتان دەنە تارتىلىپ قالاتىنىن ويلاۋعا شاقىرامىز. بالالار ەرەسەكتەردىڭ باقىلاۋىندا عانا شومىلۋى ءتيىس. ولاردى كوزدەن مينۋتقا بولسا دا تاسادا قالدىرماۋ كەرەك. سۋعا تەك 25°س تەمپەراتۋراسىندا عانا تۇسۋگە بولادى"، - دەلىنگەن حابارلامادا. ال zello.aktobe جانە aktobe_zello پاراقشالارىندا قايعىلى وقيعانىڭ سۋرەتتەرى مەن ۆيدەولارى تارالدى.
