اقش پرەزيدەنتى دونالد ترامتىڭ عالامدىق كليمات جونىندەگى پاريج كەلىسىمىنەن شىعاتىنىن مالىمدەگەن ەدى، باسشىنىڭ شەشىمىنە نارازىلىق تۋدىرعان حالىق ميتينگىگە شىقتى، دەپ جازادا قامشى اقپاراتتىق اگەنتتىگى. 

كوممەرسانت.ru باسىلىمىنىڭ مالىمەتىنشە، 100-گە جۋىق شەرۋشىلەر اق ۇيگە قارسى عيماراتتا جينالعان. نارازىلىق تۋدىرۋشىلار قولدارىنا «بولاشاق جوق»، «ءبىز كليماتتىق ادىلدىكتى قالايمىز» دەگەن جازبالارى بار پلاكاتتار ۇستاپ العان.

1 ماۋسىمدا اق ۇيدە سويلەگەن ترامپ "امەريكانى جانە ونىڭ ازاماتتارىن قورعاۋ تۋرالى قاسيەتتى مىندەتىمدى ورىنداۋ ءۇشىن اقش كليماتقا قاتىستى پاريج كەلىسىمىنەن شىعادى. ءبىراق كەلىسىمگە اقش ءۇشىن، ونىڭ بيزنەسى، حالقى مەن سالىق تولەۋشىلەرى ءۇشىن ءادىل مۇلدەم جاڭا شارتتار ەنگىزىپ بارىپ قايتا قوسىلۋ جونىندە كەلىسسوز باستايدى" دەدى.

اۋاعا پارينك گازدارىن شىعارۋدى ازايتىپ، عالامدىق تەمپەراتۋرانىڭ جوعارىلۋىنا قارسى ءىس-قيمىلدار جاساۋدى قاراستىراتىن كەلىسىمگە بۇعان دەيىن 194 مەملەكەت قول قويىپ، سيريا مەن نيكاراگۋا عانا قول قويماعان بولاتىن. ترامپ سايلاۋالدى كامپانياسىندا كەلىسىم اقش-تىڭ ەكونوميكالىق مۇددەلەرىنە قايشى كەلەتىنىن ايتىپ، ودان شىعۋعا ۋادە بەرگەن. بۇعان دەيىن اقش پەن ونىڭ وداقتاستارى جانە باسقا دا مەملەكەتتەر ترامپقا كەلىسىمنەن شىقپاۋعا ىقپال ەتىپ كورمەك بولعان.

شولۋشى: گۇلىم جاقان