اقش-قا كىرۋ ۆيزاسىن العىسى كەلەتىن الەمدەگى بارلىق ەلدەر ءۇشىن جاڭا ساۋالناما نۇسقاسى دايىندالدى. ياعني ۆيزا الۋ ءۇشىن ەندى كەز-كەلگەن ەلدىڭ ازاماتى قوسىمشا تاعى ءبىر بلانك تولتىرادى جانە ونى تولتىرۋ ءۇشىن ەلشىلىك قىزمەتكەرلەرىنىڭ كومەگى كەرەك بولادى. بۇل تۋرالى قامشى اقپاراتتىق اگەنتتىگى شەتەلدىك باق-قا سىلتەمە جاساپ حابارلايدى.
اقش-قا كەلگىسى كەلەتىن ازاماتتار ءوز الەۋمەتتىك جەلىلەرىندەگى اتتارىن، ەلەكتروندى پوشتا مەكەن-جايلارىن، تەلەفون نومىرلەرىن جازىپ قالدىرۋى كەرەك بولادى. جانە وسىلاردىڭ بارلىعى سوڭعى بەس جىل بويى قولدانىلعان بولۋى ءتيىس.
سونىمەن بىرگە جاڭا ساۋالنامادا ازامات ءوزىنىڭ سوڭعى ون بەس جىلداعى بيوگرافياسىن جازىپ، سول ۋاقىت ارالىعىندا تۇرعان جەرلەرى مەن بارعان جەرلەرىن جازۋعا ءتيىس. جاڭا باستاماعا قارسى شىعۋشىلار بۇل ەرەجەنىڭ شەتەلدەن كەلۋشى تۋريستەر مەن ستۋدەنتتەردى قورقىتىپ جىبەرەتىنىن، بۇل ساۋالناما جاۋاپ بەرۋ وتە ۇزاق ۋاقىت الاتىنىن ايتاقان.
پرەزيدەنت د.ترامپ ۇلتتىق قاۋىپسىزدىكتى كۇشەيتۋ ماسەلەسىنە قاتاڭ ءمان بەرەمىن دەگەن ۋادەسىنە بايلانىستى وسىنداي ەرەجەلەر قابىلداپ جاتقان كورىنەدى.
شولۋشى: نازەركە مۇسا
