حيرۋرگ ايەلدىڭ قان كەتۋىن توقتاتا المادى. سونىڭ سالدارىنان ايەلدىڭ ەكى مارتە جۇرەگى توقتاپ قالعان.

التى بالانىڭ اناسى بالا بوسانعاننان كەيىن قاتتى قان كەتۋدەن كوز جۇمعان. ونى تاعىلىمگەر حيرۋرگ وپەراسيا ارقىلى بوساندىرىپ العان. دارىگەردىڭ كەسىرىنەن 45 جاستاعى روزيدە ەتۆاريدەدە قان كەتە باستاعان. مۇنداي جاعداي انگلياداعى كرويدنە اۋرۋحاناسىندا  بەسىنشى رەت بولىپ جاتىر.

روزيدا پرەەكلامپسيا اۋرۋىنا شالدىققان ەدى. ال ەگىزدەردىڭ ءبىرىنىڭ جۇرەگىندە اقاۋ بولعاندىقتان دارىگەرلەر ەگىزدەردى وپەراسيا ارقىلى الۋدى شەشكەن. الايدا تاعىلىمگەر لاتيكا نارانگ قاندى توقتاتا الماعان.

دارىگەرلەر ناقتى قانشا قان كەتكەنىن دۇرىس انىقتاي المادى. سوندىقتان قاجەتتى دەڭگەيدەن از قان قۇيىلعان. ىشكى قان كەتۋدەن روزيدانىڭ ەكى مارتە جۇرەگى توقتاعان.  

«كومەك سۇراۋ كەرەكتىگىن ءبىلدىم. الايدا وعان ۋاقىت بولمادى. مەن جاتىردى امان الىپ قالۋعا تىرىستىم. الايدا ول ارەكەتىمنەن تۇك شىقپادى» دەيدى لاتيكا نارانگ.

اكۋشەرلىك ءبولىمنىڭ دارىگەرلەرى ايەل كوپ قان جوعالتقانىن بىردەن سول ۋاقىتتا حابارلاۋى كەرەك ەدى. الايدا تەك ءۇش ساعاتتان كەيىن عانا ايتىلعان. ول ۋاقىتتا روزيدا رەانيماسيادا جاتقان.

روزيدا ەتۆاريدە كوز جۇمعان اۋرۋحانا وتباسىنا وتەم اقى تولەدى. اتالمىش ءىس بويىنشا قىلمىستىق ءىس قوزعالدى. ءقازىر تەكسەرۋ جۇمىستارى جۇرگىزىلىپ جاتىر.

شولۋشى: اسەم المۇحانبەت