ءسابيدىڭ جاسى ءبىر جارىمعا تولعاندا ول ءتاتتى ۇيقىعا كەتكەن. سول ساتتەن بەرى ءسابي 5 كۇندەپ ۇيقى قۇشاعىندا بولادى. اراسىندا تەك جارتى ساعاتقا عانا ويانىپ وتىرادى. ءبۇلدىرشىننىڭ دەرتى جايلى  قامشى اقپاراتتىق اگەنتتىگى شەتەلدىك باق-قا سىلتەمە جاساپ جازادى. 

ءسابيدىڭ ەسىمى - انيا. تۇسكى اس ۋاقىتىندا اناسى ءسابيىن تىنىشتاندىرا الماعان. ءسابي رياسىز كۇلكىمەن، قىزۋ ويىن ۇستىندە بولعان. كەنەتتەن ورىندىقتا وتىرعان كۇيى انيا ۇيىقتاپ كەتكەن. وقيعانىڭ ءمان جايىن ءسابيدىڭ اناسى الەكساندرا ماتەلكينا بايانداپ بەردى.

سول ۇيقىعا كەتكەننەن انيا ەرتەڭىنە تاڭەرتەڭ دە، ءتىپتى ءبىر اپتا وتسە  دە ويانباعان.

قىزدارى بۇل جاعدايعا ۇشىراعانشا قالىپتى ءومىرىن ءسۇرىپ جۇرگەن باقىتتى بالا بولعان. دارىگەرلەر ءسابيدى تەكسەرگەن كەزدە دەنساۋلىعىنان ەشقانداي كىلتيپان تاپپاعان.

الەكساندرانىڭ اناسى انيتانىڭ ايتۋى بويىنشا ەرتەگى كەيىپكەرلەرى سەكىلدى ءبىر مەزەتتە نەمەرەم ۇيقىعا كەتتى. ونى ەشكىم وياتا الماعان بولاتىن دەپ مالىمدەدى. 

انيا ويانعان كەزدە اتا-اناسى جەدەل جاردەم شاقىرتقان. دارىگەرلەر قىزدىڭ جاعدايى ءبىر قالىپتى ەكەنىن ايتقان. تەك جۇرەك سوعىسى جيىلەپ كەتكەنىن حابارلاعان. سوندا دا اۋرۋحاناعا اپارۋدى ءجون ساناعان.

اناسى قىزىن كوماعا ءتۇسىپ قالدى دەپ ويلاعان، ءبىراق دارىگەرلەر قىزدىڭ تەك ۇيىقتاپ جاتقانىن ايتقان. 

بىرنەشە كۇننەن كەيىن انيا ويانعان ساتتە اتا-اناسىن ىزدەپ، تاماقتانعان. دارىگەرلەر كەزەكتى تەكسەرۋىن جۇرگىزگەن ساتتە قىزدىڭ دەنساۋلىعىنىڭ مىقتى ەكەنىن جەتكىزدى. سول سەبەپتى اۋرۋحانادان شىعارىپ، ۇيىنە شىعارعان.

كەلەسى تاڭدا قىزىنىڭ قايتا ءتاتتى ۇيقىدا جاتقانىندا اناسى وياتا الماعان.

وتباسىنىڭ ءدال وسى قالىپپەن ءومىر ءسۇرىپ جاتقانىنا جىل تولدى.  ول بىردەن ويانىپ، قايتا ۇيىقتاپ قالادى.

سوتنيكوۆتار وتباسى پەرۆوۋرالسك قالاسىندا ءبىر بولمەلى پاتەردە تۇرادى. ءۇيدىڭ ءىشى تولعان انيانىڭ سۋرەتتەرى. اتا-اناسى قىزدارىن ءبىر ساعاتقا ويانعان كەزدە ءتۇسىرىپ ۇلگەرەدى ەكەن.

انيانىڭ مەديسينالىق كىتاپشاسىندا «گيپەرسومنيا» دياگنوزى قويىلعان. دارىگەرلەر قىزدىڭ نەگە كوپ ۇيىقتايتىنىن انىقتاي الماعاندارىن مويىنداپ وتىر.

باسىندا قىزدىڭ مي بولىگى زاقىمدانعان دەپ ويلاعان. تەكسەرۋ  ەش ناتيجە بەرمەدى. ارتىنشا قىزدىڭ جۇرەگىن تەكسەرگەن. جۇقپالى اۋرۋلارعا دا تەكسەرۋلەر جۇرگىزگەن.

انيانىڭ اتا-اناسى بىلىكتى دارىگەردىڭ جولىعىپ، قىزىنىڭ جازىلىپ كەتەتىنىنە سەنگەننەن باسقا شارالارى جوق.

دايىنداعان: ايگەرىم تاۋباي