مەريي كەيت پەن ۆيللي فاۋلو وسىدان 20 جىل بۇرىن تانىسقان. ال ۇيلەنگەندەرىنە 12 جىلداي ۋاقىت بولىپتى. ولاردىڭ 2 ورتاق بالاسى بار.
ۆيللي ءقازىر 33 جاستا، مەريي كەيتپەن كەزدەسىپ جۇرگەن كەزدە 6 سىنىپ وقۋشىسى عانا بولاتىن. ال مەريي كەيت بولسا سول ۋاقىتتا 34 جاستا بولدى، سونىمەن بىرگە ول 4 بالانى تاربيەلەپ وتىرعان، كۇيەۋى بار تۇرمىستاعى ايەل بولاتىن.
مەريي كەيت پەن ۆيللي فاۋلو العاش رەت كەزدەسكەن ۋاقىتتا ۆيللي 2 سىنىپتا وقيتىن ەدى، ال 4 جىلدان كەيىن ولار جىنىستىق قاتىناسقا تۇسكەن كورىنەدى. ول كەزدە ۆيللي 12 جاستا عانا بولاتىن. ءقازىر 55 جاستاعى مەري كەيت العاشقى كۇيەۋىمەن اجىراسىپ، ۆيلليمەن بىرگە بولۋى ءۇشىن 7 جىل تۇرمەگە وتىرعان. مەري تۇرمەدەن شىعا سالىسىمەن ولار ۇيلەنگەن ەكەن.
مەري العاشقى بالاسىن ولار جىنىستىق قاتىناسقا تۇسكەن سوڭ 1 جىلدان كەيىن، ال ەكىنشى بالاسىن تۇرمەدە دۇنيەگە اكەلگەن.
وسىدان ءبىراز ۋاقىت بۇرىن ولار 12 جىلدىق مەرەي تويىن تويلاعان. قازىرگى ۋاقىتتا ۆيللي ب ا ق ورتالىعىندا، ال مەري زاڭگەردىڭ كومەكشىسى بولىپ جۇمىس ىستەيدى. مەري مەكتەپتە ەندى جۇمىس ىستەي المايدى، سەبەبى ول بالالاردى جىنىستىق زورلىققا يتەرمەلەگەنى ءۇشىن قامالعان.
قازىرگى ۋاقىتتا ولار اجىراسقىسى كەلەتىنىن مالىمدەگەن. ولاردىڭ ايتۋىنشا، اجىراسۋعا سەبەپ بولىپ وتىرعان بىر-بىرىنە دەگەن تۇسىنىسپەۋشىلىك پەن ءبىر-بىرىن قيىن ۋاقىتتا قولداي المايتىندىقتارى ەكەن.
بۇل عاشىقتاردى ماحاببات جاسقا قارامايدى دەپ اقتاپ الامىز با، الدە مەكتەپ جاسىنان باستاپ جىنىستىق قاتىناسقا ءتۇسۋ سوراقىلىق دەيمىز بە؟ اركىمنىڭ ءوز پىكىرى، سەزىمگە بايلانىستى ءوز ويى بار. الايدا مەكتەپ جاسىنداعى وڭى مەن سولىن اجىراتا المايتىن بالانىڭ سەزىمگە بەرىلۋى ونىڭ ءالى اقىل توقتاتپاعانىنىڭ كورىنىسى بولسا، اقىل توقتاتقان ايەلدىڭ بۇل قىلىعى ادام شوشىرلىقتان گورى ، ادام ۇيالارلىق ءىس دەپ ايتار ەدىم. سەبەبى بالا-شاعاسى بار ايەلدىڭ ەسسىز سەزىمگە بەرىلۋى اقتاپ الارلىق دۇنيە ەمەس. بۇل وقيعا شەتەلدە بولىپ جاتقانىمەن، جاقىن ارادا ءبىزدىڭ ەلدە دە ورىن الماسىنا كىم كەپىل؟! شەتەلدەگى سانگە ءۇيىر بولىپ جۇرگەن جاستارىمىز دا وسىنداي سوراقىلىققا بارۋى مۇمكىن. سوندىقتان اتا-انا بالاسىن مەكتەپ جاسىنان باستاپ قانا ەمەس، مەكتەپكە دەيىن دە تاربيەلەپ قاداعالاپ جۇرگەنى ءجون.
دايىنداعان : سابينا رامازان
