وقيعا پاكىستاندا بولعان. 19 جاستاعى قىز ءوزىن تۋىس اعاسى قارۋمەن قورقىتىپ زورلادى دەپ ارىز بەرگەنى ءۇشىن ءولىم جازاسىنا كەسىلمەك بولدى.

قىزدىڭ ايتۋىنشا، ول ءوز ۇيىندە الاڭسىز ۇيىقتاپ جاتقان، زورلىقشى سول كەزدە تاپ بەرگەن. ول ءوزىن زورلاعانى جايىندا جەرگىلىكتى پوليسەي قىزمەتكەرلەرىنە ايتقان، الايدا ولار تانىس-تامىرىن ىزدەستىرىپ زاڭسىز جۇمىس ىستەۋشى ەدى. پانچايات دەپ اتالاتىن جەرگىلىكتى زاڭ قىزمەتكەرلەرى قىز ادەيى اعاسىن ەلىكتىرگەن دەپ بار كىنانى وزىنە ارتقان.

ءسويتىپ زورلىقشىنىڭ اكەسى قوسىلعان ءبىر توپ پوليسەي قىزمەتكەرلەرى قىزدى ايىپتى دەپ تانىپ، ءولىم جازاسىنا كەسۋدى شەشەدى.

تارازى باسىندا قىزعا تاس اتقىلاپ ولتىركۋ نەمەسە قۇلدىققا ساتۋ سىندى ەكى ءتۇرلى شەشەمى تۇرعان. ال زورلىقشىعا قاتىستى ەشقانداي كىنا ارتىلمايتىنى ايتىلدى.

كەلەسى كۇنى قىز بەن ونىڭ اكەسى زاڭدى تۇردە جۇمىس ىستەيتىن پوليسەيگە كەلىپ، رەسمي تەرگەۋ جۇرگىزۋىن ءوتىندى.

ناتيجەسىندە پانچايات مۇشەلەرى قامالىپ، قىز اۋىلدىڭ سىرتقى ماڭىنداعى ءبىر ۇيگە جاسىرىنادى.

نەگىزى «ەركەكتى ەلىكتىردى» دەپ ايىپتالعان قىزدى ءوزىنىڭ تۋعان وتباسى جازالاۋى ءتيىس، ول پاكىستاندا «ار ءولىمى» دەپ اتالادى، ياعني قىزدى ءولتىرۋ ارقىلى وتباسىنىڭ ابرويىنا نۇقسان كەلمەيدى. ال زورلىقشى تۇرمەگە قامالادى. 

شولۋشى: سابينا رامازان