ماسكەۋدىڭ سولتۇستىگىندە ايەل ءوزىنىڭ بالاسىن بالعامەن ۇرىپ، سودان كەيىن ءوزى تەرەزەدەن سەكىرىپ كەتكەن دەپ حابارلايدى قامشى اقپاراتتىق اگەنتتىگى lenta.ru-عا سىلتەمە جاساي وتىرىپ.
2 ماۋسىم كۇنى ساعات 17:30 شاماسىندا 35 جاستاعى ايەل ءوزىنىڭ 10 جاستاعى ۇلىن بالعامەن بىرنەشە رەت ۇرعان. سودان سوڭ وز-وزىنە قول جۇمساماق بولىپ، 5-قاباتتان سەكىرىپ كەتكەن. ەكەۋى دە اۋرۋحاناعا جەتكىزىلگەن. وسى وقيعاعا بايلانىستى تەرگەۋ ارەكەتتەرى جۇرگىزىلۋدە.
قالالىق تەرگەۋ باسقارماسىنىڭ باستىعىنىڭ مالىمەتىنشە، وقيعا ورىن العان ۋاقىتتا ايەلدىڭ تۋىسقانى ۇيدە بولعان. بالانىڭ اپاسىنىڭ ايتۋى بويىنشا وتباسىندا ەشقانداي قيىندىقتار بۇرىن-سوڭدى بولماعان. ايەل مۇنداي ارەكەتكە قاتتى پسيحيكالىق اۋىتقۋ سالدارىنان بارۋى مۇمكىن دەيدى.
شولۋشى: نازەركە مۇسا
