«حازىرەتتى مۇحاممەد ﷺ پايعامباردىڭ «رامازان ايىندا ءبىر جاقسىلىق جاساعان ادامعا اللا تاعالا باسقا ايلاردا پارىز ءىستى ورىنداعاننىڭ ساۋابىن بەرەدى. ال، پارىزدى ورىنداعانعا باسقا ايلاردىڭ ساۋابىن جازادى» دەگەن ماعىناداعى ءحاديسى بار. وسىنداي يگى ىسكە جۇرەگى ءۇيىر ازامات، جەكە كاسىپكەر مەدەت سيكەنوۆ العاشقى اۋىزاشار كەزىندە جاڭا ۇيگە قونىس اۋدارۋىنا بايلانىستى ءوزىنىڭ قۇتتى شاڭىراعىنىڭ كىلتىن مەشىتكە تابىستادى دەپ جازادى قامشى اقپاراتتىق اگەنتتىگى muslim.kz-كە سىلتەمە جاساي وتىرىپ. بۇل توسىن سىي جاماعاتتى ءتانتتى ەتتى.

قۇر باسپانانى عانا ەمەس بۇرىن وزدەرى تۇرعاندا قولدىنىپ كەلگەن بارشا بۇيىمدارىن دا مەشىت يگىلىگىنە قالدىرىپ كەتتى. باسپانا قۇجاتتارى دا رەسمي تۇردە راسىمدەلۋدە. مەشىتتىڭ باس يمامى نازىمبەك يمانعالييەۆ:

— بيىلعى ايلاردىڭ سۇلتانى ۇلكەن قايىرلى ىسپەن باستاۋ الدى. بۇرىندارى وسى وڭىرگە قىزمەتكە كەلۋگە نيەتتى يمامداردىڭ جاعدايلارىن جاساي الماي قينالاتىن ەدىك. باسقا اۋدان مەشىتتەرىندە ءوزىمىزدىڭ قاسيەتتى توپىراقتان شىققان قانشاما ءبىلىمدى ازاماتتار ەڭبەك ەتۋدە. ولار پاتەر ماسەلەلەرى وقساماي جۇرگەندەرىن ايتادى. تالاي سىناقتاردى باستان كەشىپ ءجۇرىپ، اق جولدان اينىماعان مەدەت باۋىرىمىزدىڭ بۇل ىزگى قادامى وزگە دە قالتالى ازاماتتارىمىزعا ۇلگى بولادى دەگەن ۇمىتتەمىز. كۇتپەگەن سىيعا وتە قۋانىپ قالدىق. اللا  دۇعامىزدى  قابىل ەتتى" - دەپ،  ءوز ريزاشىلدىعىن ءبىلدىردى. 

شولۋشى: اسەل وتەشوۆا