قىتايدىڭ وڭتۇستىك تەڭىزدەرىندە جاساندى ارالدار قۇرىپ ميليتاريزاسيالانۋىن اقش وڭ قابىلدامايدى دەپ جازادى قامشى اقپاراتتىق اگەنتتىگى BBC ورىس قىزمەتىنە سىلتەمە جاساپ. بۇل تۋرلى پەنتاگون باسشىسى دجەيمس مەتتيس مالىمدەگەن.

سينگاپۋردا قاۋىپسىزدىك كونفەرەنسياسىندا سويلەگەن مەتتيس قىتايدىڭ وڭىردە ارەكەتتى بولۋىن تۇراقتىلىققا ءقاۋىپ توندىرەدى دەپ اتاعان.

«ءبىز جاساندى ارالداردا اسكەريلەنۋ مەن حالىقارالىق سۋلاردا شەكتەن تىس ارەكەت ەتەتىن ەلدەرگە قارسى تۇرامىز. ءبىز ستاتۋس-كۆونى ءماجبۇرلى ءبىر جاقتىلى وزگەرتۋگە كونبەيمىز ءارى كەلىسپەيمىز»، - دەپ ەسكەرتكەن مەتتيس.

سونداي-اق اقش قورعانىس ءمينيسترى قىتايدىڭ سولتۇستىك كورەيانىڭ راكەتالارى مەن يادرولىق بەلسەندىلىگىن تەجەۋدەگى ءرولى ماڭىزدى ەكەنىن ايتقان.

بۇعان دەيىن اقش مەملەكەتتىك حاتشىسى رەكس تيللەرسون «جۇڭگو ارالدارداعى قۇرىلىستى توقتاتۋدىڭ قاجەتتىگىن ءتۇسىنۋى ءتيىس» دەگەن.

ال، رەسمي بەيجىڭ قىتايدىڭ وڭىردە ءوز مۇددەسىن ساقتاپ قالاتىنىن مالىمدەگەن.

ماسەلەنىڭ تاريحى:

جۇڭگو وڭتۇستىك-قىتاي تەڭىزىندە تولىقتاي ءامىر ەتۋگە ۇمىتىلىپ كەلەدى.

ال اقش بولسا بارلىق حالىقارالىق سۋلاردا وپەراسيا جۇرگىزە الامىز دەپ وكىرەكتەيدى.

بەيجىڭ مەن ۆاشينگتون بۇعان دەيىن بىر-بىرلەرىن وڭتۇتسىك-قىتاي تەڭىزىندە اسكەريلەنۋ بويىنشا كىنالاسقان.  سوڭعى جىلدارى جۇڭگو اتالعان وڭىردە جاساندى ارالدار سالىپ، وعان اسكەري قۇرىلىستار جۇرگىزە باستاعان.

ال، وتكەن جىلدىڭ اياعىندا امەريكالىق ستراتەگيالىق جانە حالىقارالىق زەرتتەۋلەر ورتالىعى ماماندارى سپۋتنيكتىك سۋرەتتەردەن قىتايدىڭ جاساندى ارالدارىندا راكەتاعا قارسى قورعانىس  جۇيەسى قۇرىلىستارىن انىقتاعان.