KazSat جۇيەسى بولماعاندا قازاقستاندىق تۇتىنۋشىلار شەتەلدىك سپۋتنيكتەر ءۇشىن 45 ملن. دوللار تولەيتىن ەدى.

KazSat سپۋتنيكتىك جۇيەسى ارقىلى قازاقستاننىڭ قانشا قارجى ۇنەمدەگەنى بەلگىلى بولدى. بۇل جايىندا قورعانىس جانە اەروعارىشتىق ونەركاسىپ ءمينيسترى بەيبىت اتامقۇلوۆ ايتتى، دەپ جازادى قامشى اقپاراتتىق اگەنتتىگى.

«KazSat جۇيەسىن الماستىرۋ كەزەڭىندە شەتەلدىك سپۋتنيكتىك رەسۋرستاردى پايدالانۋ 27 ملرد تەڭگەگە قىسقارىپ، 14،7 ملرد تەڭگە كىرىس اكەلدى. بىزدە KazSat سپۋتنيگى بولماعان جاعدايدا ءبىزدىڭ تۇتىنۋشىلارىمىز جىل سايىن شەتەلدىك سپۋتنيكتەر ءۇشىن اقش-قا 45 ملن دوللار تولەيتىن ەدى»، دەدى دەپۋتات ءماجىلىس ساعاتىندا.

مينيستر 2016 جىلدىڭ باسىنان باستاپ مەملەكەتتىك ورگاندار 12،2 ملرد تەڭگە سوماعا 22،3 ملن كم2 قامتيتىن سپۋتنيكتەردىڭ سۋرەتتەرىن كورسەتتى.

«شەتەلدىك وپەراتورلاردىڭ تاريفتەرىمەن ەسەپتەيتىن بولساق، بۇل عارىشتىق سۋرەتتەر 23 ملرد تەڭگەگە شاعادى. ايتا كەتكەن ءجون، عارىشتىق سۋرەتتەردىڭ ءوزى مەملەكەتتىك ورگانداردىڭ ماسەلەلەرىن شەشپەيدى، ولارعا ءتيىستى شيفر كەرەك. بۇل بەلگىلى ءبىر باعىتتاعى تاقىرىپتىق وڭدەۋ»، دەدى ول. 

شولۋشى: گۇلىم جاقان