قۇقىق قورعاۋشىلار 16 جاستاعى قىزدىڭ سۋيسيد جاساۋىنا كەدەرگى بولدى. جاعداي ستەپنوگورسك قالاسىندا ورىن العان دەپ حابارلايدى قامشى اقپاراتتىق اگەنتتىگى اقمولا وبلىسىنىڭ ءىىد-نىڭ باسپا ءسوز قىزمەتىنىڭ مالىمەتىنە سۇيەنىپ.
«بەستوبە اۋىلىنىڭ بولىمشەسىنە جاس قىزدىڭ 30 مەترلىك عيماراتتان سەكىرۋدى كوزدەگەنى حابارلانعان. جاس قىز بۇل ىسكە ءوزىنىڭ سۇيىكتى جىگىتىمەن سوزگە كەلىپ قالعاننان كەيىن بارعان. ءبىر ساعات كولەمىندە قۇقىق قورعاۋشىلار قىزدان سەكىرمەۋىن سۇراپ، رايىنان قايتارعان.
باسپا ءسوز قىزمەتىنىڭ حابارلاۋىنشا، قىزدىڭ جاعدايى ءقازىر ءبىر قالىپتى، العاشقى مەديسينالىق كومەك كورسەتىلگەن. جاسوسپىرىممەن پسيحولوگتار جانە ۇستازدارى جۇمىس ىستەۋدە.
شولۋشى: ايگەرىم تاۋباي
