سوچيدە اۆتوكولىكتەن ەكى بالا قۇلاپ تۇسكەن. اۆتوكولىك قالا ىشىندە كەلە جاتقان كەزدە كولىكتىڭ جۇكسالعىشى اشىلىپ كەتكەن. جۇكسالعىشتان ءبىر بالا قۇلاعان، سودان كەيىن تاعى ءبىرى قۇلاپ تۇسكەن. كولىكتىڭ ارتىندا كەلە جاتقان جۇرگىزۋشى دەر كەزىندە توقتاپ ۇلگەرگەن.
وقيعا ورنىنداعى كۋاگەرلەر ەكى بالاعا كومەككە كەلگەن. ال ەكى بالانىڭ اناسى كولىك جۇرگىزۋشىسى بالالارىنىڭ كولىكتەن قۇلاپ قالعانىن بىردەن بايقاماعان. تەك ارادا ءبىراز ۋاقىت وتكەن سوڭ عانا ول وقيعا ورنىنا قايتا كەلگەن. ءۇش جاسار بالا زارداپ شەگىپ اۋرۋحاناعا جەتكىزىلدى. ال ەكىنشى بالاعا ايتارلىقتاي زاقىم كەلمەگەن. كولىك جۇرگىزۋشىسى ەكى بالانىڭ اناسى 39 جاستاعى جەرگىلىكتى تۇرعىن بولىپ شىقتى. ايەلگە قاتىستى اكىمشىلىككە تارتىلۋ جۇمىستارى جۇرگىزىلۋى مۇمكىن. بالالاردىڭ نە سەبەپتى كولىك جۇكسالعىشىنىڭ ىشىندە بولعاندارى بەلگىسىز.
شولۋشى: سابينا رامازان
