قۇرمانعازى مەن پۋشكيندى ءسۇيىستىرىپ قويعان اتىشۋلى پوستەردىڭ اۆتورلارىنا قاتىستى سوت ۇكىمى شىقتى. قوعام نارازىلىعىن تۋدىرعان سۋرەتتى سالعاندار قۇرمانعازى اتىنداعى كونسەرۆاتورياعا 34 ميلليون تەڭگە تولەۋگە مىندەتتەلدى. بۇل تۋرالى Tengrinews.kz سايتى حابارلاپ وتىر. سونىمەن قاتار، پوست اۆتورلارى رەسپۋبليكالىق ب ا ق ارقىلى كەشىرىم سۇراۋعا مىندەتتى.

"ستۋديا 69" گەي-كلۋبىن جارنامالاعان پوستەر 24 تامىز كۇنى الەۋمەتتىك جەلىلەرگە شىققان ەدى. ەكى تۇلعانىڭ ءسۇيىسىپ تۇرعان سۋرەتى ەل اراسىندا ۇلكەن نارازىلىق تۋدىرعان بولاتىن. دەرەۋ كوتەرىلگەن حالىق جارناما اگەنتتىگىن سوتقا بەرىپ، اگەنتتىك ديرەكتورى داريا حاميتجانوۆاعا ايىپپۇل سالىنعان.

اقپاراتتارعا ساي، Havas Kazakhstan جارناما اگەنتتىگىنىڭ باس ديرەكتورى داريا حاميتجانوۆا سوت شەشىمىمەن كەلىسپەي وتىر ەكەن.  "مەن ءدال مۇنداي شەشىمدى كۇتپەپ ەدىم. مەنىڭشە، بۇل بارىپ تۇرعان ادىلەتسىزدىك، ويتكەنى 34 ملن تەڭگە كومپانيامىزدى قۇردىمعا جىبەرەدى، ونىڭ ۇستىنە سوت مۇلىكتى ساتۋعا تىيىم سالدى. وسىدان كەيىن ءبىز قالاي جۇمىس ىستەيمىز؟ بۇل ادامدار ول اقشانى وزدەرى تاپقان جوق، مۇنداي سومانى الۋعا ەش ەڭبەك تە سىڭىرگەن جوق، ءتىپتى سوت زالىنا دا اياق باسپادى. ەندى كەلىپ 34 ادامنىڭ اربىرىنە تولەۋ كەرەك، قوعام الدىندا كەشىرىم سۇراۋ دەگەن تاعى بار. مەن ءتىپتى دە بىلمەيمىن..."، - دەگەن ارسىز جارنامانى جاساۋشى اگەنتتىك ديرەكتورى داريا حاميتجانوۆا.

ەلىمىزدە گوموسەكسۋاليزمدى ناسيحاتتاۋعا ءالى رەسمي تۇردە تىيىم سالىنعان جوق. الايدا، بۇل ماسەلە قوعام تاراپىنان بەلسەندى كوتەرىلدى. وسى زاڭنىڭ جۇمساقتىعىنان ءتىپتى ءبىرجىنىستى قاتىناسقا بارۋشىلار قۇقىعىن قورعايتىن ۇيىم قۇرماقشى بولعاندار دا بولدى. بۇل تۋرالى مىنا سىلتەمەدە جازعان ەدىك. كوشەلەرىمىزدەن ۇلتتى قورلاپ، تاريحي تۇلعالارىمىزدى مازاق ەتەتىن جارنامالاردى تاعى كورىپ قالماسى ءۇشىن پارلامەنت تەز ارادا اتالعان زاڭدى قابىلداۋى ءتيىس. ال، باتىستىڭ مادەنيەتىن قابىلداپ، بويىنا تولىقتاي ۇلتتىق رۋح سىڭبەگەن جاستار ەرتەڭ تاعى دا سولەكەت ىستەرگە ۇرىنباس ءۇشىن Havas Kazakhstan جارناما اگەنتتىگىنە شىعارىلعان سوت شەشىمى قالايدا ورىندالۋى كەرەك. سەبەبى بۇل قوعامدا ازعىندىققا شاقىرۋشى كەيبىر مۇددەلى كۇشتەردىڭ ەرتەڭگى قادامدارىن ويلانىپ باسۋىنا سەپ بولادى.