ايتىسكەر دەگەن ۇعىم ءقازىر ءدىني لاۋازىمعا اينالىپ كەتتى. دومبىراسىن قاعىپ-قاعىپ جىبەرىپ ۋاعىز ايتۋدان باستايدى. قازىرگى ايتىس – ايتىس دەگەننەن گورى قاجىلىققا ىرىكتەۋ ءتۋرنيرى سياقتى. نەگىزى ايتىس دەگەن سينكرەتتى ونەر. ول جەردە وي ءورىسىڭ كەڭ بولۋ كەرەك، ءسوز ساپتاۋىڭ تاماشا، ۇيقاس قۇراۋىڭ كەرەك، دومبىرا قاعۋىڭ كەرەك، قوعامداعى وزەكتى ماسەلەلەرمەن تانىس بولۋىڭ كەرەك، ساۋاتىڭ بولۋ كەرەك. ول تۇسىنىكتى. ودان بولەك قارسىلاستى قاعىتىپ، ەلگە ءار سوزىڭمەن ارتىستىك ونەرىڭدى دە كورسەتۋ تاعى بار. سەنىڭ اۋزىڭداعى ءسوز حالىقتىڭ كوكەيىنە جەتۋ ءۇشىن ىمى-جىمىڭ دومبىرانىڭ قاعىسى جانە اۋىزدان شىققان ۇيقاسىڭمەن جىمداسىپ، قابىسىپ وتىرۋ كەرەك. ناقتىسىن ايتقاندا ايتىس بىرنەشە ونەردىڭ جيىنتىعى بولىپ تا شىعادى (اقىندىق، تاپقىرلىق، دومبىرا شەرتۋ، داۋىس ىرعاعى، ارتىستىك). ءقازىر ايتىسكەرلەردىڭ كوبىندە وسى قاسيەتتەر ءجيى كەزدەسە بەرمەيتىن سياقتى.

تاۋىپ سويلەۋ تەك ايتىسقا عانا قاجەت دەپ تۇسىنسەك، وندا ايتىس ونەرى تۋرالى قورتىق ويلاعانىمىزدان. ءقازىر كوپ ايتىسكەر ءوزى ايتىپ وتىرعان سوزگە ءوزى سەنبەيدى. جاساندىلىق بار. جاساندىلىق بار جەردە ونەر قۇردىمعا كەتەدى.

جاندوس ءبايدىلدا. (Facebook-تەگى پاراقشاسىنان)