شقو اكىمى بولىپ ەۋرازيالىق ەكونوميكالىق كوميسسيانىڭ ەنەرگەتيكا جانە ينفراقۇرىلىم جونىندەگى ءمينيسترى قىزمەتىن اتقارعان دانيال كەنجەتاي ۇلى احمەتوۆ تاعايىندالدى، دەپ حابارلايدى شقو اقپاراتتىق ورتالىعى.

 دانيال احمەتوۆ 2009 جىلدان بەرى ايماقتى باسقارعان بەردىبەك ساپاربايەۆتىڭ  ورنىنا كەلدى. V شاقىرىلعان شقو ءماسليحاتىنىڭ كەزەكتەن تىس ءححىىى سەسسياسىندا جاڭا باسشىنى ايماق اكتيۆىنە ق ر پرەمەر-مينيسترى كارىم ءماسىموۆ تانىستىردى.

دانيال احمەتوۆ 1976 جىلى پاۆلودار يندۋستريالدى ينستيتۋتىن ينجەنەر-قۇرىلىسشى ماماندىعى بويىنشا بىتىرگەن. ەڭبەك جولىن 1976 جىلى «پاۆلودار تۇرعىنقۇرىلىس» ترەسىندە ماستەر، اعا پروراب بولىپ باستاپ، ەكىباستۇز قالالىق اتقارۋ كوميتەتى ءتوراعاسىنىڭ ورىنباسارى، «ەكىباستۇز ەنەرگو-تۇرعىن ءۇي ءوندىرىس قۇرىلىسى» ترەسىنىڭ باسقارۋشىسى قىزمەتتەرىن اتقاردى.

د. احمەتوۆ 1993-1997 جىلدارى پاۆلودار وبلىسىنىڭ اكىمى، 1997—1999 جىلدارى سقو اكىمى، 1999-2001 جىلدارى ق ر پرەمەر-مينيسترىنىڭ ءبىرىنشى ورىنباسارى قىزمەتىندە بولىپ، 2001-2003 جىلدارى پاۆلودار وبلىسىنىڭ اكىمى بولىپ قايتارا تاعايىندالدى. سونداي-اق، 2003-2007 جىلدارى ق ر پرەمەر-مينيسترى، 2007-2009 جىلدارى قورعانىس ءمينيسترى قىزمەتىندە بولدى.

شقو ەكس-اكىمى بەردىبەك ساپاربايەۆ قازاقستان رەسپۋبليكاسىنىڭ پرەمەر-مينيسترىنىڭ ورىنباسارى قىزمەتىنە تاعايىندالدى.