ءار ادام ءوزىنىڭ قانداي قان توبىنا جاتاتىنىن جاقسى بىلەدى. ءبىراق قان توبى ادام مىنەزىنىڭ قانداي ەكەنىنە اسەر ەتەتىنىن بىلمەۋى مۇمكىن. ال قان توبى مىنەز قالىپتاستىرۋشى فاكتور بولىپ تابىلادى ەكەن.
مىسالى، ءبىرىنشى توپتاعى قان يەلەرى – رۋحاني مىقتى بولىپ كەلەدى. تۋمىسىنان كوشباسشى، ومىرگە ءارقاشان قۇشتارلىقپەن قارايتىن جانداردى كەزدەستىرسەڭىز، ولار وسى ءبىرىنشى توپتاعى قان يەلەرى بولۋى ابدەن مۇمكىن. دەگەنمەن، ولار وزدەرىنە ايتىلعان سىندى ۇناتا قويمايدى، وتە اۋىر قابىلدايدى. ەسەسىنە، ولار كەزدەسكەن قيىندىقتاردان قورىقپايدى، مويىمايدى. جانە ءبىر ەرەكشەلىگى، ءتۇرلى ادامدارمەن تەز ءتىل تابىسىپ كەتە الادى. سونىمەن قاتار، سىرقات نە جارالى ادامدارعا قان قۇيۋ قاجەت بولسا، ونىڭ قاي توپتاعى قان يەسى ەكەنىنە قاراماستان، ءبىرىنشى توپتاعى قان – كەز كەلگەن ادامعا قۇيۋعا لايىق بولىپ تابىلادى.
قانى ەكىنشى توپتاعىلار ەرەكشە ۇقىپتى، جۇيەلى ءىستى قالايتىن جانە وتە جوعارى ۇيىمداستىرۋشىلىق قابىلەتكە يە بولىپ كەلەدى. مىنەزدەرى وتە جايلى بولعاندىقتان، كەز كەلگەن ورتاعا تەز ءسىڭىسىپ كەتەدى. مىنەزدەرىندەگى جانە ءبىر ەرەكشەلىك، قينالسا دا، كۇيزەلسە دە، سىرتقا بىلدىرمەۋگە تىرىسادى، سىرت كوزگە ءبارىن جاقسى سياقتى كورسەتىپ، نە بولسا دا، ىشىنە ساقتاپ، ەشتەڭە بىلدىرمەي جۇرە بەرەدى. ءبىراق، ءبىر كوتەرىلسە، اشۋىمەن تاۋ قوپارا الادى ەكەن.
ءۇشىنشى توپقا جاتاتىندار – ناعىز شىعارماشىلىق ادامدارى. جان دۇنيەسى قيال مەن فانتازياعا باي، ولاردى ءوزى كىرىسكەن ىسكە بارىنشا قولدانۋعا تىرىساتىن جان. الايدا ءبىر كەم تۇسى – وتە تۇيىق، ادامدارمەن ءتىل تابىسۋى قيىن بولىپ كەلەدى. قيالشىلدىعىنان بولار، كوپشىلىك ورتاسىنان گورى، وڭاشا بولعاندى ۇناتادى. سىرت كوزگە سابىرلى كورىنگەنىمەن، ولاردىڭ ىشىندە الاي-تۇلەي داۋىل سوعىپ تۇرادى.
ەڭ سيرەك ۇشىراساتىن قان توبى – ءتورتىنشى توپ بولىپ تابىلادى. بۇل قان توبىنىڭ يەلەرى - تاپتىرماس ۇيىمداستىرۋشىلار.مىنەزى ادال، اق كوڭىل بولىپ كەلەتىن بۇل جاندار ءارقاشان كوپشىلىكتىڭ ورتاسىندا جۇرەدى. ءبىر كەرەمەتى، ادامداردى ەشبىر الالاماي ارالاساتىن بولعاندىقتان، ولار كەز كەلگەن ورتانىڭ ىشىندە بويى وزىق تۇراتىن، وتىرىستىڭ گ ۇلى بولىپ كەلەدى.
