وتكەن جۇما كۇنى مەشىتكە بارا جاتقانمىن. ارتىمدا بىرنەشە ادام اڭگىمەلەسىپ كەلەدى. التاي ولكەسىنەن كەلگەن الدە ءبىر ارىپتەستەرىن ءسوز ەتەدى. "قازاقشا ما، التايشا ما، ايىرمايسىڭ، كەيدە ادام ۇقپايتىن سوزدەردى قوسىپ سويلەيدى، ءبىراق، ورىسشاسى كەرەمەت" دەدى، ءبىرىنشىسى. ەكىنشى ءبىر داۋىس: "وي، تاۋداعى ورماندا نەشە ءتۇرلى پالەلەر بار، سولاردىڭ ءبىرى عوي. قازاق ەمەس شىعار. جالپى، مونعولدان، قىتايدان كەلگەندەردىڭ ءبارى شاتا نەمەلەر. ءتۇبى شيكى." دەمەسى بار ما؟ بۇرىلىپ قاراسام، ەكى كوزى قىسىق، ءتۇرى قازاقتان گورى جۇڭگو، كورەي نەمەسە قالماققا كوبىرەك ۇقسايتىن قايىستاي قارا جىگىت اعاسى ەكەن. تورتەۋىن توقتاتىپ تۇرىپ بىلاي دەدىم: "مەن جاڭا عانا سەن ايتقان مونعوليادان كەلگەن قازاقپىن. قانە، ەكەۋىمىزدىڭ قايسىمىز قالماققا ۇقسايمىز؟ ارينە، سەن قازاققا ۇقسامايسىڭ. ولاي بولسا، شەتتەن كەلگەن تازا قاندى قازاققا جالا جاپپا! ەگەر اناڭ ءتىرى بولسا، ادەيلەپ سۇراپ، ءوز تەگىڭدى تانىپ ال!" دەدىم. قاسىنداعىلار كۇلدى. ول ءۇن-تۇنسىز كەتە بەردى. كورمەي-بىلمەي ساۋەگەيلىك ايتىپ بىلگىرسيتىندەر تىم قۇرىعاندا ءبۇتىن قازاقتى جىككە بولمەي جايىنا جۇرسە بولماي ما ەكەن، وسى؟!

قۋاندىق شاماحاي، Facebook جەكە پاراقشاسىنان